Joshua 9:3 - Tedim Bible Revision 2017

³ Ahih hangin Gibeon khua-a teeng mite in Jerikho le Ai tungah Joshuaʼ hihnasa thu a zak uh ciangin

Tedim Bible

³ Ahih hangin Gibeon khua-a teeng mite in Jerikho leh Ai tungah Joshua hihnasa thu a zak uh ciangin,

Joshua 9:3 Iomraidhean Croise

2 SAMUEL NIHNA 2:12

Nerʼ tapa Abner le Saulʼ tapa Ishboshethʼ nasemte Mahanaim panin Gibeon ah paikhia uh hi.

1 KHANG TANGTHU MASATE 12:4

Gibeon khuami Ishmaiah, mihing sawm thumte lakah a thahatpa le sawm thumte a makai pa; Gederah khuami Jeremiah, Jahaziel, Johanan le Jozabad;

2 KHANG TANGTHU NIHNATE 1:3

Tua ciangin Solomon le amah tawh a om khempeuh, Gibeon-a a om mual dawna biakpiakna munah pai uh hi; bang hang hiam cih leh Topaʼ nasem Moses in gamlak ah a bawl sa Pasianʼ kikhopna buk tua lai ah om hi.

Jeremiah 28:1

Tua kum mahin (Judah gamah Zedekiah kumpi a suah zawh kum li le kha nga a phak kum) Gibeon khua panin a hong pai Azzurʼ tapa kamsang Hananiah in Topaʼ biakinnpi sungah siampite le mi khempeuh a omkim laitakin hong hopih a,

Joshua 10:1

Joshua in Ai a lakna zia le Jerikho le a kumpipa tungah a bawl bangin Ai le a kumpipa tungah a bawlna le Gibeon khua sunga teeng mite in Israel-te tawh kilemna a bawlna le amaute lakah a omna thu Jerusalem kumpipa Adonizedek in a zak ciangin

Joshua 10:2

nakpi takin a lau hi. Bang hang hiam cih leh Gibeon pen kumpi khuate khat mah bangin khua lian khat hi a, Ai khua sangin zong lian zaw-in a mite khempeuh zong mi thahat ahi hi.

Joshua 10:28

Tua ni-in Joshua in Makkedah khua la a, namsau tawh tua khua le a kumpipa vat gawp hi. A sunga om mi khempeuh susia mangin, bangmah siit lo a, Jerikho kumpipa tungah a bawl bangin Makkedah kumpipa tungah a bawl hi.

Joshua 10:30

Topa in tua khua le a kumpipa zong Israel miteʼ khut sungah a pia hi. Amah in namsau tawh tua khua le a sunga om mi khempeuh a vat gawp hi. Tua khua sungah bangmah siit lo a, Jerikho kumpipa tungah a bawl bangin a kumpipa tungah a bawl hi.

Joshua 11:19

Gibeon khua-a teeng Hiv mite longal, Israel mite tawh kilemna a bawl khuapi khat zong om lo hi. Amaute in tua khua dangte khempeuh simin a lak uh ahi hi.

Joshua 18:25

Tua ciangin Gibeon, Ramah, Beeroth,

Joshua 21:17

Tua ciangin Benjamin minam panin Gibeon a lo nona gamte tawh, Geba a lo nona gamte tawh,

Joshua 9:17

Israel mite ding khia uh a, a ni thum ni-in amauteʼ khuapite a ban uh hi. Amauʼ khuapite pen Gibeon, Khefirah, Beeroth le Kiriath-jearim na hi hi.

Joshua 9:22

Joshua in amaute samin amaute kiangah, “Bang hangin koteʼ nai hih lai ah a teeng hi napi-in, ‘Noteʼ kiang panin gamla mahmah ung,’ cihna tawh kote hong khem na hi uh hiam?

Joshua 9:4

amaute in khembawl ding vaihawm uh a, lam-an bawlin, a late uh tungah a paat sa ip le a paat sa leenggahzu um, a kikeek leh a kiphopte suanin,