Joshua 9:24 - Tedim Bible Revision 2017

²⁴ Amaute in Joshua dawngin, “Gam khempeuh nang tungah a hong piak nading Topa na Pasian in a nasem pa Moses a thupiakna le na mai panin gam sunga a teeng mi khempeuh suksiat taktak nading thu na nasemte kiangah hong kigen hi. Tua ahih ciangin noteʼ hangin nakpi takin ka lunghimawh uh a, hih bangin ka gamta kha uh hi.

Tedim Bible

²⁴ Amaute in Joshua dawngin, “Bang hang hiam cih leh gam khempeuh nang tungah a hong piak nading Topa na Pasian in a nasempa Moses a thupiakna leh na mai panin gam sunga teeng mi khempeuh suksiat taktak nading thu na nasemte kiangah hong kigen hi; tua ahih ciangin note hangin ka nuntakna uh nakpi takin ka lung himawh uh a, hih bangin ka gamta uh hi.

Joshua 9:24 Iomraidhean Croise

JOB (Job) 2:4

Tua ciangin Satan in Topa dawngin, “Vun bek in vun mah lei zo bek, ci-in paunak a om mah bangin mi khat in ama nuntakna a hutna-in a neih khempeuh pia ngam ding hi.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihta zaw un.

Joshua 10:2

nakpi takin a lau hi. Bang hang hiam cih leh Gibeon pen kumpi khuate khat mah bangin khua lian khat hi a, Ai khua sangin zong lian zaw-in a mite khempeuh zong mi thahat ahi hi.

Joshua 2:11

Tua thu ka zak phetun ka lungsim uh bei a, noteʼ hangin miteʼ lungsimah hanna bei hi; bang hang hiam cih leh Topa na Pasian uh, tunga om vantung le nuai-a om leitungah Pasian ahi hi.

Joshua 2:9

tua mite kiangah, “Topa in noteʼ tungah hih leitang hong piak khitna ka thei a, note ka hong kihta mahmah uh hi. Hih gam sunga a teeng mi khempeuh noteʼ hangin lunggim uh hi.

Joshua 6:21

Tua ciangin amaute in khuapi sunga om khempeuh numei le pasal, a moi a ham, bawngtalte, tuute le late khempeuh namsau tawh that mangkhin uh hi.

Joshua 9:9

Amaute in, “Topa na Pasian uh min hangin a gamla mahmah gam panin na nasemte kong pai uh hi. Bang hang hiam cih leh ama thu le Egypt gam sungah a hihte khempeuh,