Joshua 9:21 - Tedim Bible Revision 2017

²¹ Tua ciangin makaite in mihonte kiangah, “Amaute hingsak un,” a ci uh hi. Tua ahih ciangin makaiteʼ gen mah bangin mihon khempeuh adingin amaute pen sing suite le tui tawite a suak uh hi.

Tedim Bible

²¹ Tua ciangin makaite in amaute kiangah, “Amaute hing sak un,” a ci uh hi. Tua ahih ciangin makaite gen mah bangin mihon khempeuh adingin amaute in singsuite leh tuitawite a suak uh hi.

Joshua 9:21 Iomraidhean Croise

Jeremiah 46:22

A galte uh hong kuan uh ahih manin Egypt mite gul tai bangin zut khat a kisuah uh hi. A galte uh sing phuk bangin hei tawh hong kuan uh hi.

Thu-hilhkikna 29:10

“Topa na Pasian un tu ni-in note tawh a bawl, Topa na Pasian uh thuciamna sungah na lut theih nadingun, tu ni-in amah in ama mi dingin note hong kipsak theih nading le noteʼ tungah hong ciamna le na pu na pate uh Abraham, Isaac le Jakob tungah a kiciamna bangin, amah, noteʼ Pasian ahih theih nadingin, na minam lutangte uh, na upate uh, na uliante uh, Israel mi pasal khempeuh, na taneute uh, na zite uh, na giahphual uh ah a om peemtate, na sing uh hong tomsakin na tui uh a hong tawisakte a kipan note khempeuh, tu ni-in Topa na Pasian uh mai ah na ding uh hi.

Joshua 10:1

Joshua in Ai a lakna zia le Jerikho le a kumpipa tungah a bawl bangin Ai le a kumpipa tungah a bawlna le Gibeon khua sunga teeng mite in Israel-te tawh kilemna a bawlna le amaute lakah a omna thu Jerusalem kumpipa Adonizedek in a zak ciangin

Joshua 9:15

Tua ciangin Joshua in amaute tawh kilemna bawlin, amaute a hinsak nading thuciamna a bawl uh hi. Tua ciangin mihonteʼ makaite amauʼ tungah a kiciam uh hi.

Joshua 9:20

Amaute tungah i kiciam thuciamna hangin eite tungah hehna hong tung kha ding ahih manin hih bangin gamta-in amaute i hingsak ding hi,” a ci uh hi.

Joshua 9:23

Tu-in note hong kisamsia a, note pawl khat a tawntungin sila, ka Pasian uh inn-a dingin sing suite le tui tawite na hi ding uh hi,” a ci hi.

Joshua 9:27

Ahih hangin Joshua in mihonte le Topaʼ biakna tau-a dingin singtomte le tui tawite a suaksak hi. Topa in amah biak nadingin a teelna munah tu ni dongin tua nasepte mah amaute in sem uh hi.