Joshua 9:14 - Tedim Bible Revision 2017

¹⁴ Tua ahih ciangin Israel mite in amauʼ an puakte sang kha uh a, Topaʼ tung panin lamlahna dong lo uh hi.

Tedim Bible

¹⁴ Tua ahih ciangin Israel mite in amau’ an ciam kha uh a, Topa tung panin lamlahna dong lo uh hi.

Joshua 9:14 Iomraidhean Croise

2 SAMUEL NIHNA 2:1

Hih hun khit ciangin David in Topa thu dong a, “Judah khuapi khat peuhpeuh ah ka pai to ding hiam?” a ci hi. Topa in ama kiangah, “Pai to in,” a ci hi. David in, “Koi pen ah pai to ding ka hi hiam?” a ci hi. Amah in, “Hebron ah,” a ci hi.

2 SAMUEL NIHNA 5:19

Tua ciangin David in Topa thu dongin, “Filistia-te do-in ka kuan to ding hiam? Keima khut sungah amaute na hong pia ding hiam?” a ci hi. Topa in David kiangah, “Kuan to in; bang hang hiam cih leh na khut sungah Filistia-te kong pia taktak ding hi,” a ci hi.

Ezra 8:21

Tua ciangin eiteʼ Pasianʼ mai ah kote kiniamkhiat thei-in, kote le ka naupangte uh le ka neihsa khempeuh uh nuam takin ka khualzinna uh ah ka pai theih nading uh Pasianʼ tung pan ka nget theih nadingun Ahava lui ah antanna ding thu ka taangko hi.

Paikhiatna 28:30

Thukhenna awmdal sungah Urim le Thummim na koih dinga, Topaʼ mai ah a pai ciangin Aaronʼ lungtang tungah tuate om ding hi. Tua bangin Aaron in ama lungtang tungah Israel miteʼ thukhenna Topaʼ mai ah pua tawntung ding hi.

Gamlak-vakna 27:21

Siampi Eleazarʼ mai ah amah ding dinga, amah in Topaʼ mai ah Urim thukhenna tawh thu dotsak ding hi. Amah le amah tawh a om Israel mi khempeuh, mihon buppi, ama thu tawh pusuak ding uh a, ama thu mah tawh sung tum ding uh hi,” a ci hi.

Jeim 1:5

Pilna kisam na om uh leh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

Joshua 9:13

Hih leenggahzu umte ka thun laitakun a thak ahi hi. Tu-in en un, puak gawp ta hi. Hih ka puante uh le ka khedapte uh khual gamlapi zinna-in paat gawp ta hi,” a ci uh hi.

Thukhente 1:1

Joshua a sih khit ciangin Israel mite in Topa tungah thu dong uh a, “Kanaan mite a sim dingin kua kuan to masa ding ka hi uh hiam?” a ci uh hi.

Thukhente 20:18

Israel mite dingin Bethel ah pai to uh a, “Benjamin mite a sim dingin kua pai masa ding ka hi uh hiam?” ci-in Pasian a dong uh hi. Topa in, “Judah minamte pai to masa ding hi,” a ci hi.

Thukhente 20:28

Aaronʼ tapa Eleazarʼ tapa Finehas in tua lai ah tua hunin na sem hi), “Ka sanggam uh Benjamin mite a sim dingin kuankik lai ding ka hi uh hiam, tua ahih kei leh khawl ding ka hi uh hiam?” a ci uh hi. Topa in, “Pai to un; bang hang hiam cih leh zing ciangin amaute na khut sung uh ah kong pia ding hi,” a ci hi.

1 SAMUEL MASA 22:10

amah in ama adingin Topaʼ tungah thu dotsakin, anletui pia a, Filistia mi Goliathʼ namsau ama tungah pia hi,” a ci hi.