Joshua 9:13 - Tedim Bible Revision 2017

¹³ Hih leenggahzu umte ka thun laitakun a thak ahi hi. Tu-in en un, puak gawp ta hi. Hih ka puante uh le ka khedapte uh khual gamlapi zinna-in paat gawp ta hi,” a ci uh hi.

Tedim Bible

¹³ hih leenggahzu umte ka thun lai takun a thak ahi hi, tu-in en un, puak gawp hi; hih ka puante uh leh ka khedapte uh khual gamlapi zinna-in paat gawp hi,” a ci uh hi.

Joshua 9:13 Iomraidhean Croise

Mattiu 9:17

Kuamah in savun um lui sungah leenggahzu thak thun lo hi. Kithun leh a savun um phukham dinga, a leenggahzu bua-in a savun um zong a sia a suak ding hi. Leenggahzu thak pen savun um thak sungah kithun bek hi. Tua ahih manin a nihin a sia om lo hi,” ci-in a dawng hi.

Marka 2:22

Kuamah in savun um lui sungah leenggahzu a thak thun ngei lo hi. Thun zenzen leh leenggahzu in savun um phukham dinga, a leenggahzu le a savun um, a nih tuakin a kisia suak ding hi. Tua ahih manin leenggahzu thak koih nadingin savun um thak kizang hi,” ci-in a dawng hi.

Luka 5:37

Kuamah in savun um lui sungah leenggahzu thak thun ngei lo hi. Thun zenzen leh leenggahzu thak in a savun um phu kham dinga, a leenggahzu bua-in, a savun um zong kisia ding hi.

Thu-hilhkikna 29:5

Kum sawm li sung sehnel gamah note hong makaih khin hi. Noteʼ tung panin na puante uh sia nai lo a, na khe panun zong na khedapte uh sia nai lo hi.

Joshua 9:12

Hih lai ah ka anlum uh om hi. No kiangah a hong pai dingin kong dinkhiat ni uh, khualzin lam-an dingin ka inn panun ka guan laitakun lum lai hi. Ahih hangin tu-in en un, keu-in ap hi.

Joshua 9:14

Tua ahih ciangin Israel mite in amauʼ an puakte sang kha uh a, Topaʼ tung panin lamlahna dong lo uh hi.

Joshua 9:4

amaute in khembawl ding vaihawm uh a, lam-an bawlin, a late uh tungah a paat sa ip le a paat sa leenggahzu um, a kikeek leh a kiphopte suanin,

Joshua 9:5

a khe uh ah a paat sa, a kiphop khedapte bulhin, a paat sa puante tawh a pai uh hi. A ante khempeuh uh zong keu-in ap hi.