Joshua 8:35 - Tedim Bible Revision 2017

³⁵ Moses in a thupiak kammalte khempeuh Israel mihonpite, numeite le amaute lakah a teeng peemtate mai ah Joshua in a sim loh khat zong om lo hi.

Tedim Bible

³⁵ Moses in a thupiak kammalte khempeuh Israel mi honpite, leh numeite, leh naupangte, leh amau lakah a teeng peemtate mai-ah Joshua in a sim loh khat zong om lo hi.

Joshua 8:35 Iomraidhean Croise

Ezra 10:1

Ezra in tu-a bangin thu ngenin mawhna pulakin khitui naptui tawh Pasianʼ biakinn mai ah kunin a om laitakin Israel mi numei, pasal, naupang, mi tampi tak ama kiimah hong kikhawmin amaute khempeuh zong nakpi takin a kap uh hi.

Nehemiah 8:2

Tua hi a, a kha sagihna a ni khat ni-in numei pasal le thu thei tel thei ding a kikhawm khempeuh mai ah siampi Ezra in thukham laibu hong paipih hi.

Nehemiah 8:3

Tua ciangin amah in Tui Kongpi mai-a om tualpi lam mai ngatin zingsang tung a kipan sun ciang dong, numei pasal le thu a tel thei ding miteʼ zakin tua laibu sunga thute sim a, mi khempeuh in tua thukham laibu sunga thu kisimte limtakin a ngai uh hi.

Paikhiatna 12:38

Minamdang tampi le tuu hon le bawng hon, ganhing tampi zong amau tawh pai uh hi.

Jeremiah 26:2

“Topa in kong cih in ah, Topaʼ biakinnpi huang sungah va ding inla, Topaʼ biakinnpi sungah a bia dinga a hong pai Judah gam khuapite khempeuh kiangah gen dinga kong sawl khempeuh va gen in. Kam khat beek im kei in.

Joel 2:16

Mite kaikhawm unla, amaute siansuah un. A khangham mite sam unla, naupangte zong kaikhawm un. Nawi ne lai naungekte zong paipih un. A kiteeng cil nungak le tangvalte nangawn in a omna uh nusia-in hong pai uh hen.

Zekhariah 8:23

Tua hun ciangin minam tuamtuamte sung panin mi sawm, Jew mi khat kiangah hong pai-in, ‘Pasian in nang hong ompihna thu za ka hih manun na nung hong zuisak in,’ ci-in thum ding uh hi,” a ci hi.

Marka 10:14

Jesu in tua thu a phawk ciangin a heh suak a, a nungzuite kiangah, “Naupangte kham kei unla, ka kiangah hong paisak un. Bang hang hiam cih leh Pasianʼ Ukna sungah hih bang mite a om ahi hi.

Sawltak 20:27

Bang hang hiam cih leh note tungah Pasianʼ thu kong gen loh khat zong om nawn lo hi.

Sawltak 21:5

Amaute kiang panin ka ciahkhiat ding uh hun hong tun ciangin ka ding khia uh a, a zite a tate uh tawh a vekpi-un khua nawl ciang hong zui uh hi. Tuipi gei ka tun uh ciangin khukdinin thu ka ngen uh hi.

Thu-hilhkikna 29:10

“Topa na Pasian un tu ni-in note tawh a bawl, Topa na Pasian uh thuciamna sungah na lut theih nadingun, tu ni-in amah in ama mi dingin note hong kipsak theih nading le noteʼ tungah hong ciamna le na pu na pate uh Abraham, Isaac le Jakob tungah a kiciamna bangin, amah, noteʼ Pasian ahih theih nadingin, na minam lutangte uh, na upate uh, na uliante uh, Israel mi pasal khempeuh, na taneute uh, na zite uh, na giahphual uh ah a om peemtate, na sing uh hong tomsakin na tui uh a hong tawisakte a kipan note khempeuh, tu ni-in Topa na Pasian uh mai ah na ding uh hi.

Thu-hilhkikna 29:9

Tua ahih ciangin na hihna khempeuh uh ah na daupai theih nadingun hih thuciamna kammalte khempeuh limtakin na zuih ding uh na ngaihsun ding uh hi.

Thu-hilhkikna 31:12

Jordan gal khat ah a luah dingin na paina uh gamah na nuntak lai tengun amaute in a thu za-in Topa na Pasian uh zahtak ding a theih nading le hih thukham thute khempeuh limtakin a sep theih nading le hih thu a thei nai lo amauʼ tate in Topa na Pasian uh zahtak ding a theih nadingun, numei, pasal le naupangte le na khuapite uh sunga om peemtate, mi khempeuh khawm un,” a ci hi.

Thu-hilhkikna 4:2

Topa na Pasian un hong piak ahi keima hong thugente na zuih theih nadingun no kong thupiakte behlap loin, zong na khiam kei ding uh hi.