Joshua 8:33 - Tedim Bible Revision 2017

³³ Tua ciangin Israel mite in thupha a ngah theih nadingun Topaʼ nasem Moses in a thupiak sa bangin Israel mite khempeuh peemta hitaleh tualsuak hitaleh, a upate le a uliante le a thukhente uh tawh, Topaʼ Thuciamna Singkuang a pua Levi siampiteʼ mai, Thuciamna Singkuang lang khat, Gerizim Mual mai lamah mi alang, Ebal Mual mai lamah mi alang a ding uh hi.

Tedim Bible

³³ Tua ciangin amaute in Israel mite thupha a piak masak theih nadingun Topa nasem Moses in a thupiaksa bangin Israel mite khempeuh peemta hita leh tualsuak hita leh, a upate leh a uliante leh a thukhente uh tawh, Topa thuciamna singkuang a pua Levi siampite mai, thuciamna singkuang langkhat, Gerizim Mual mai lamah mi a lang, Ebal Mual mai lamah mi a lang ding uh hi.

Joshua 8:33 Iomraidhean Croise

Paikhiatna 12:49

Gam mi le noteʼ lakah hong peem khualmi adingin ngeina khat bek om ding hi,” a ci hi.

Siampi Laibu 24:22

Note in peemta le tualsung mi adingin ngeina a kibang khat na nei ding uh hi; bang hang hiam cih leh kei pen Topa na Pasian uh ka hi hi,” a ci hi.

Gamlak-vakna 15:15

Mihonpi adingin ngeina khat om dinga, note le noteʼ lakah hong peem mi adingin tawntung ngeina khat na khang tawntungun om ding hi. Topaʼ mai ah note le peemta mite na kibang ding uh hi.

Gamlak-vakna 15:16

Note le noteʼ lakah hong peem mi adingin a kibang thu khat, ngeina kip khat om ding hi,” a ci hi.

Gamlak-vakna 15:29

Theih lohna hangin na khat peuhpeuh a hih kha, Israel miteʼ lakah a om tualsung mipa le amauteʼ lakah a peem khualmipa adingin ngeina a kibang khat na nei ding uh hi.

Johan 4:20

Ko Samaria miteʼ pupite in hih lai mual tungah Pasian bia uh a, ahi zongin no Jew mite in Pasian biakna mun pen Jerusalem khua ahi hi, na ci uh hi,” a cih ciangin,

Thu-hilhkikna 11:29

Luah dingin na lutna uh leitang ah Topa na Pasian un hong paipih ciangin Gerizim Mual tungah thupha taangko-in, Ebal Mual tungah hamsia na taangko ding uh hi.

Thu-hilhkikna 31:12

Jordan gal khat ah a luah dingin na paina uh gamah na nuntak lai tengun amaute in a thu za-in Topa na Pasian uh zahtak ding a theih nading le hih thukham thute khempeuh limtakin a sep theih nading le hih thu a thei nai lo amauʼ tate in Topa na Pasian uh zahtak ding a theih nadingun, numei, pasal le naupangte le na khuapite uh sunga om peemtate, mi khempeuh khawm un,” a ci hi.

Thu-hilhkikna 31:25

Moses in Topaʼ Thuciamna Singkuang a pua Levi mite thu pia a,

Thu-hilhkikna 31:9

Moses in hih Thukham gelhin Topaʼ Thuciamna Singkuang a pua Levi mi siampite le upate khempeuh tungah a pia hi.

Joshua 23:2

Joshua in Israel khempeuh, a upate le a lutangte, a thukhente le a uliante uh samin amaute kiangah, “Tu-in kei teekin ka kum tampi pha ta hi.

Joshua 24:1

Tua ciangin Joshua in Israel minam khempeuh Shekhem ah kaikhawmin a upate, a makaite, a thukhente le Israel uliante a sam hi. Tua ciangin Pasianʼ mai ah amau ciat kipia uh hi.

Joshua 3:14

Tua ahih ciangin miteʼ mai ah Thuciamna Singkuang a pua siampite tawh Jordan gal kah dingin a puanbuk uh panin mite ding khia-in,

Joshua 3:3

mite thu pia uh a, “Topa na Pasian uh Thuciamna Singkuang Levi siampite in a puak na muh uh ciangin na omna panun ding khia-in na zui ding uh hi.

Joshua 3:6

Tua ciangin Joshua in siampite kiangah, “Thuciamna Singkuang la unla, miteʼ mai ah paisuak un,” a ci hi. Amaute in Thuciamna Singkuang la-in miteʼ mai ah a pai uh hi.

Joshua 4:10

Bang hang hiam cih leh Moses in Joshua a thupiak bangin mite tungah a gen dingin Topa in Joshua a thupiak khempeuh a vekpi-in a kiman khit matengin Jordan laizang ah Thuciamna Singkuang a pua siampite a ding uh hi. Mite nawhsa-in gal kah uh hi.

Joshua 4:18

Topaʼ Thuciamna Singkuang a pua siampite Jordan laizang panin hong pai khia-in, siampiteʼ khe lei keu tungah hong om toh ciangin, a ngeina bangin amauʼ munah Jordan tuite hong luangkikin a piau khempeuh a tuum hi.

Joshua 6:6

Tua ahih ciangin Nun tapa Joshua in siampite samin amaute kiangah, “Thuciamna Singkuang la unla, tua Topaʼ Thuciamna Singkuang mai ah siampi sagihte tuutal ki peengkul sagih tawisak un,” a ci hi.