Joshua 8:30 - Tedim Bible Revision 2017

^30-31 Tua ciangin Joshua in, Moses Thukham Laibu sungah, “A kiseek lo suangte tawh a kibawl biakna tau, kuamah in a tungah sik nazat a lik loh,” ci-in a kigelh mah bangin, Topaʼ nasem Moses in Israel mite a thupiakna bangin, Topa, Israel miteʼ Pasian adingin Ebal Mual tungah biakna tau khat a bawl hi. Tua ciangin amaute in tua tungah Topa adingin meihal biaknate pia-in, thunuam a biakna te a go uh hi.

Tedim Bible

^30-31 Tua ciangin Joshua in, Moses thukham laibu sungah, “a kiseek lo suangte tawh a kibawl biakna tau, kuamah in a tungah sik nazat a liik loh,” ci-in a kigelh mah bangin, Topa nasem Moses in Israel mite a thupiakna bangin, Topa, Israelte’ Pasian adingin Ebal Mual tungah biakna tau khat bawl uh hi; tua ciangin amaute in tua tungah Topa adingin meihal biaknate pia-in, thunuam-a biakna gante go uh hi.

Joshua 8:30 Iomraidhean Croise

Piancilna 8:20

Tua ciangin Noah in Topa ading biakna tau khat lam a, a siangtho ganhing khempeuh le a siangtho vasa khempeuh lak pan khat ciat la-in, biakna tau tungah meihal biakna a pia hi.

Paikhiatna 20:24

Note in keima adingin lei tawh biakna tau khat bawl unla, tua tungah na meihal biaknate uh le thunuam a biak na biaknate uh, na tuute uh le na bawngtalte uh pia un. Keima min a kiphawk nading munin ka bawlna peuhmah ah note kiangah keimah hong pai-in note thupha kong pia ding hi.

Thu-hilhkikna 27:2

Topa na Pasian un note hong piak leitang ah pai dingin Jordan na kantan ni-un suangtumpite na phut ding uh a, buan tawh na zut ding uh hi.