Joshua 8:28 - Tedim Bible Revision 2017

²⁸ Tua ahih ciangin Joshua in Ai hal a, tu ni donga a om mah bangin nin khol napi khatin piangsak den hi.

Tedim Bible

²⁸ Tua ahih ciangin Joshua in Ai hal a, tu ni donga a om mah bangin nin kholnapi khatin piangsak den hi.

Joshua 8:28 Iomraidhean Croise

2 KUMPI NIHNATE 19:25

Sawt pek lai-in ka ngaihsut sa ahih lam za nai lo na hi hiam? Tanglai pek panin ka geel kholh sa hi a, tu-a ka tunsak ding thute kulh a nei khuapite nin bulomtangin na heina ding,

Isaiah 17:1

Damaskas tawh kisai thu hih bangin gen hi: En un, Damaskas pen khuapi hi nawn loin ninbu lomtang suak ding hi.

Isaiah 25:2

Bang hang hiam cih leh nang in khuapi ninbu lomtang na suah a, a muanhuai khuapi a sia na suaksak hi. Mi kiphasakteʼ kumpi inn pen khua bang nawn lo a, cikmah hunin kilamkik nawn lo ding hi.

Jeremiah 49:2

Tua ahih manin, Topa in kong cih in ah, Ammon gam Rabbah khua kisimin, galdona aw a kizak hun ka tungsak ding hi. Tua khuapi kisusia mang dinga, a khuaneute a kihal tum ding hi. Tua ciangin Topa in kong cih in ah, Israel mite in a gam uh a laksakteʼ kiang panin a gam uh a ngahkik ding uh hi.

Jeremiah 50:26

Mun khempeuh panin hong sim unla, a ansal uh honsak un. An cian bangin amaute ciang un. A vekpi-in susia unla, bangmah nusiat kei un.

Jeremiah 9:11

“Jerusalem khuapi ninkholna ka bangsak dinga, se-alteʼ teenna mun ka suaksak ding hi. Judah gam khuapite gamlak ka suaksak dinga, kuamah teeng nawn lo ding hi,” a ci hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Thu-hilhkikna 13:16

Note in van kinusiate khempeuh khua laizang mun awngah khawmin, Topa na Pasian uh tungah khuapi le van kinusia khempeuh meihal biakna bupin mei tawh na hal ding uh hi. Tua khuapi pen nin kikholna hi tawntung dinga, kilamkik nawn lo ding hi.

Thu-hilhkikna 13:17

Tu ni-a kong gen ama thupiaknate khempeuh zui-in Topa na Pasian uh mai ah a manin gamtatna tawh Topa na Pasian uhʼ aw na ngaih uh leh, na pu na pate uh tungah a ciam sa bangin, a kihtakhuai ama hehna panin Topa kihei-in note tungah migitna hong lakin, note tungah hehpihna hong nei-in, note tampi tak hong phaksak theih nadingin a ki-ap sa na khat beek zong note adingin na kem kei ding uh hi.

Joshua 4:9

Tua ciangin Joshua in Thuciamna Singkuang a pua siampiteʼ khe a dinnasa mun, Jordan laizang ah zong suang sawm le nih mah a phut hi. Tu ni dongin tua suangte tua mun mahah om lai hi.

Joshua 8:29

Tua ciangin amah in nitak mateng sing khat tungah Ai kumpipa a khai hi. Ni a tum ciangin Joshua in thu pia a, amaute in sing tung panin a luang la sukin, khuapi kulh kongpi lutna ah paai uh a, a tungah suangtum lompi ciang uh a, tu ni dongin tua suangcian om lai hi.