Joshua 8:14 - Tedim Bible Revision 2017

¹⁴ Ai kumpipa in hih thu a theih ciangin amah le tua khuapi mi khempeuh, Israel-te a do dingin manlangin kithawi-in Arabah lam pai sukna ah zing tungin a kuan khia uh hi. Ahih hangin khuapi nungah amah a buk sim a om lam thei lo hi.

Tedim Bible

¹⁴ Ai kumpipa in hih a muh ciangin amah leh tua khuapi mi ahi a mite khempeuh, Israelte a do dingin manlangin kithawi-in Arabah lam paisukna-ah zing tungin paikhia uh hi; ahih hangin khuapi nungah amah a buksim a om lam thei lo hi.

Joshua 8:14 Iomraidhean Croise

Thuhilh-sia 9:12

Mihing in ama hun ding thei ngei lo hi. Thang ah a awk vasate le ngen ah a awk ngasate tawh i kibang hi. Lamet loh hun laitak keekin hunsia sungah mihingte i tung hi.

Isaiah 19:11

Zoan uliante hai cihtakin hai uh a, Faroʼ mipil thulamlakte in thu haihuai gen uh hi. Nang in Faroʼ tungah, “Mipil paʼ tapa ka hi hi; tanglai kumpiteʼ tapa ka hi hi,” bangci-in ci thei ding na hi hiam?

Isaiah 19:13

Zoan uliante mihai suak khin uh a, Memfis uliante zong hai khin uh hi. Minamte a makai dinga kineite in a mite uh lam khialhpih khin hi.

Daniel 4:31

Tua thute a kam sung pan a pusuah ma-in vantung panin aw khat hong ging a, “Kumpi Nebukhadnezzar aw, ka thugen na ngai in. Na kumpi gam hong kilak khiatsak zo hi.

Mattiu 24:39

Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in thei khol lo ding uh hi.

Mattiu 24:50

a topa tung dingin a up loh ni hun khatpeuhin a topa hong tung dinga,

Thu-hilhkikna 1:1

Hihte pen Jordan gal khat gamlak, Suf gal khat Arabah gam sung, Paran le Tofel, Laban, Hazeroth le Dizahab kikalah Moses in Israel-te khempeuh tungah a gen thute ahi hi.

Joshua 8:13

Tua ahih ciangin galkapte, khuapi leilu lamah a phualpi le khuapi nitumna lamah a nungdalte a koih uh hi. Ahih hangin tua zanin Joshua kuam sungah a om hi.

Joshua 8:15

Tua ciangin amauʼ mai ah Joshua le Israel-te khempeuh kilelsak khem uh a, gamlak lamah a tai uh hi.

Joshua 8:16

Tua ahih ciangin khuapi sunga om mi khempeuhte amau a delh dingin kikaikhawm uh a, Joshua a delh uh ciangin amaute khuapi panin a kihem khia ahi hi.

Joshua 8:5

tua ciangin keimah le kei tawh a om mite khempeuh in khuapi kong naih ding uh hi. A masa bangin kote a do dingin hong kuan khiat uh ciangin amauteʼ mai ah kote ka na tai khem ding uh hi.

2 PETER NIHNA 2:3

Hih sia man lote in a huaiham manun note kiang panin sum a ngah theih nadingun phuahtawm thu hong gen ding uh hi. Ahi zongin sawt pek a kipanin amauteʼ thu a Khen ding pa a kiging sa-in om niloh a, amaute a Susia ding pa in en gige hi.

Thukhente 20:37

Tua ciangin a pangsim mite manlangin hong pai-in Gibeah khua sungah lut uh a, a pangsim mite in namsau tawh khuapi mi khempeuh vat gawp uh hi.