Joshua 7:6 - Tedim Bible Revision 2017

⁶ Tua ciangin Joshua in dahna limin ama puante bal kekin nitak mateng Topaʼ Thuciamna Singkuang mai ah, amah le Israel upate bok suk uh a, amaute in a lu tung uh ah leivui a koih uh hi.

Tedim Bible

⁶ Tua ciangin Joshua in dahna lim-in ama puante balkeekin nitak mateng Topa thuciamna singkuang mai-ah, amah leh Israel upate boksuk uh hi; amaute in a lu tung uh ah leivui koih uh hi.

Joshua 7:6 Iomraidhean Croise

Piancilna 37:29

Reuben dumah paikikin dum sungah Josef a om lohna a muh ciangin amah in a puan bal kek a,

Piancilna 37:34

Tua ciangin Jakob in ama puan bal kekin, a kawng ah puanhampi teeng a, a tapaʼ hangin ni tampi sung a kap hi.

2 SAMUEL NIHNA 1:11

Tua ciangin David in ama puante lenin bal kek a, amah tawh a om mite khempeuh in zong tua bangmahin a hih uh hi.

2 SAMUEL NIHNA 1:12

Tua ahih ciangin Saul, a tapa Jonathan le Topaʼ mi Israel-te hangin amaute thumin kap uh a, nitak dong an a tang uh hi; bang hang hiam cih leh gal sungah amaute si uh hi.

2 SAMUEL NIHNA 1:2

A ni thum ni-in, a puan kikekin a lu tungah lei omin Saulʼ giahphual panin mi khat hong pai hi. David kiangah amah hong tun ciangin leilak ah pukin zahtakna a bawl hi.

2 SAMUEL NIHNA 12:16

Tua ahih ciangin David in naungek adingin Pasianʼ tungah thum hi. David in an tangin zan tawntung leilak ah a lum hi.

2 SAMUEL NIHNA 13:19

Tua ciangin Tamar in a lu tungah vut koihin ama silh puan tualpi bansau bal kek hi. Tua ciangin a lu tungah a khut koihin paikhia a, a pai kawmin a gingin a kap hi.

2 SAMUEL NIHNA 13:31

Tua ciangin kumpipa dinga, a puante bal kekin leilak ah a lum hi. A kiang a om a nasemte khempeuh in zong a puan uh bal kek uh hi.

2 KUMPI NIHNATE 22:11

Kumpipa in thukham laibu sunga thute a zak ciangin a dahna hangin a puante a bal kek hi.

2 KHANG TANGTHU NIHNATE 34:19

Kumpipa in thukham kammalte a zak ciangin a puante bal kek hi.

Ezra 10:1

Ezra in tu-a bangin thu ngenin mawhna pulakin khitui naptui tawh Pasianʼ biakinn mai ah kunin a om laitakin Israel mi numei, pasal, naupang, mi tampi tak ama kiimah hong kikhawmin amaute khempeuh zong nakpi takin a kap uh hi.

Nehemiah 9:1

Tua kha mah a ni sawm nih le li ni-in an tang dingin Israel mite kikhawm uh a, puanhampi silhin a lu tung uh ah lei kibuak uh hi.

Esther 4:1

Mordekai in hih thupiang teng a theih ciangin a puan bal kekin puanhampi silhin vut kibuak a, nakpi takin a kap kawmin khua sungah vak kawikawi hi.

Esther 4:3

Kumpipaʼ thupiakna a tunna gam Jew miteʼ omna khempeuh ah nakpi tak a thumna le tauna, antanna, kahna le dip-humna om hi. Mi a tam zaw in puanhampi silhin vut lakah lum uh hi.

JOB (Job) 1:20

Hih thu a zak ciangin Job dah lua-in a puan bal kek a, a sam met khia-in leilak ah bok sukin Pasian a bia hi.

JOB (Job) 2:12

Amaute in a gamla sim mun panin Job a muh tung un amah thei pah lo uh hi. Tua ciangin amaute a gingin kap khia uh a, a puan uh bal kekin a lu tung uh a tukik dingin leivui lawn to uh hi.

JOB (Job) 42:6

Tua ahih ciangin tu-in ka pauna sate khempeuh hangin ka maizum mahmah a, tu-in vutlevai khu-in nakpi takin ka kisik hi,” a ci hi.

Kah la 2:10

Jerusalem puteekte pau loin leilak ah tu uh a, dahna lim lahna-in puanhampi silhin a lu zang uh leivui a buak uh hi. Jerusalem nungaknote a kun ngelhngalh uh hi.

Gamlak-vakna 14:6

Gam vaanteʼ lakah a kihel Nunʼ tapa Joshua le Jefunnehʼ tapa Kaleb-te in a puan uh bal kekin,

Gamlak-vakna 16:22

Amaute bok suk uh a, “Pasian, mi khempeuhteʼ tungah nuntakna a pia Pasian aw, mi khatʼ khialhna hangin mihon khempeuhteʼ tungah nang heh ding na hi hiam?” a ci uh hi.

Gamlak-vakna 16:45

“Tomno sungin amaute ka siatsak theih nadingin hih mihonteʼ lak panin paikhia un,” a ci hi. Tua ciangin amau tegel zong bok suk uh hi.

Sawltak 14:14

Ahi zongin Barnabas le Paul in hih thu a zak uh ciangin mihonteʼ vaihawmna a nialna limun a puan uh bal kekin mihon lakah tai-in kiko uh a,

Joshua 7:7

Tua ciangin Joshua in, “Ala! Topa Pasian, kote a hong susia ding Amor miteʼ khut sungah a hong pia dingin bang hangin hih mite Jordan gal khat ah hong paipih peuhmah na hi hiam? Jordan gal khat ah ten ding a lungkim hi hoh ta le-ung!

Mangmuhna 18:19

A kah a thum kawmun a lu tung uh ah leivui thehin kap uh a, “Tuipi teembaw a nei khempeuh in a hauhlawh uh hih khuapi bangzah takin lauhuai-in nasia ahi hiam? Nai khat sungin maimang ta hi.

Thukhente 11:35

Amah in a tanu a muh ciangin a puan bal kekin, “Ala, ka tanu! Kei nong niamkoih mahmah hi. Kei adingin lungkhamna lianpi nong suak hi. Bang hang hiam cih leh Topa tungah thu ka ciam khin a, ka thuciamna ka dokkik thei kei hi,” a ci hi.

Thukhente 20:23

Tua ciangin Israel mite pai to-in nitak dong Topaʼ mai ah a kap uh hi. Amaute in Topaʼ kiangah thu dongin, “Ka sanggam uh Benjamin mite a sim dingin gal phualah ka naihkik ding uh hiam?” a ci uh hi. Topa in, “Amaute a sim dingin kuan to un,” a ci hi.

Thukhente 20:26

Tua ciangin Israel mite khempeuh, galkap vekpi pai to-in Bethel ah tungin a kap uh hi. Tua lai mun Topaʼ mai ah amaute tu-in nitak dong tua ni an tang uh a, Topaʼ mai ah meihal biakna le thunuam a biakna a pia uh hi.

Thukhente 21:2

Tua ciangin Bethel ah Israel mite hong pai-in Pasianʼ mai ah nitak dong tu uh a, amaute nakpi takin a kap uh hi.

1 SAMUEL MASA 4:12

Giahphual panin Benjamin mi khat hong tai-in a puan kikeek sa le a lu tungah leivui khu-in Shiloh hong tung hi.