Joshua 7:5 - Tedim Bible Revision 2017

⁵ Ai mite in amauʼ kulh kongpi mai panin Shebarim ciang dong delh uh a, tuah sukna munah amaute sawm thum le guk khawng a that uh hi. Hih thu hangin Israel miteʼ hanna bei-in, lau mahmah uh hi.

Tedim Bible

⁵ Ai mite in amaute mi sawmthum-le-guk khawng thatin, a kulh kongpi mai Shebarim ciang dong delh uh a, tuahsukna mun-ah amaute that uh hi. Hih thu hangin Israel mite’ han’na bei-in, lau mahmah uh hi.

Joshua 7:5 Iomraidhean Croise

Late 22:14

Tui buakkhiat bangin kei hong kibua khia a, ka guh ka taang khempeuh kilawi mangkhin hi. Ka lungtang khuainun bang a, ka awm sungah tui suak hi.

Late 58:7

Tui luang khiate bangin amaute mangthangsak inla, lopa bangin amaute kituancil gawpin keu tumsak in.

Isaiah 13:7

Tua ahih ciangin khut khempeuh zaw-in, mi khempeuhʼ lungsim tui suak dinga, amaute lungkia ding uh hi.

Ezekiel 21:7

Tua bangin na omna thu mite in hong dot ciangin mailam a thupiang ding hangin a tua ci om na hihna thu gen in. Tua hun ciangin a lungsim uh launa tawh kidimin, launa hangin a khut uh liingcipin, a hanna lungsim uh bei-in, lau-in a khuk uh a liin kelkelna ding thu le, tua hun ding pen tu-in a hong tung ta ahihna thu gen in,” Topa Pasian in a hong ci hi.

Siampi Laibu 26:36

“Noteʼ sung panin galteʼ leitang ah a om lai mite tungah lungsim gimna ka tungsak ding hi. Nahthel ging in amaute taisak dinga, namsau mai ah mi khat a tai bangin amaute tai ding uh a, kuamah in a delh lohpi-in amaute puk ding uh hi.

Nahum 2:10

Nineveh khuapi kisusia a, kinusiacipin gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai ah sisan teeng lo hi.

Thu-hilhkikna 1:44

Tua ciangin tua mual tung gamah a teeng Amor mite hong kuanin, Seir gam Hormah ciang dongah khuai bangin hong delhin hong zo uh hi.

Joshua 2:11

Tua thu ka zak phetun ka lungsim uh bei a, noteʼ hangin miteʼ lungsimah hanna bei hi; bang hang hiam cih leh Topa na Pasian uh, tunga om vantung le nuai-a om leitungah Pasian ahi hi.

Joshua 2:9

tua mite kiangah, “Topa in noteʼ tungah hih leitang hong piak khitna ka thei a, note ka hong kihta mahmah uh hi. Hih gam sunga a teeng mi khempeuh noteʼ hangin lunggim uh hi.

Joshua 5:1

Nitumna lam Jordan gal khat a om Amor miteʼ kumpite khempeuh le tuipi gei-a om Kanaan miteʼ kumpi khempeuh in, Israel mite in a kantan khit mateng amaute adingin Jordan tuite Topa in a kansakna thu a zak uh ciangin lungmang uh a, Israel miteʼ hangin a lungsim uh a bei hi.