Joshua 7:3 - Tedim Bible Revision 2017

³ Amaute Joshua kiangah hong ciahkikin ama kiangah, “Mi khempeuh kuan tosak kei inla, mi tul nih ahi a, tul thum ahi zongin kuan tosakin Ai khua simsak in. Amaute mi tawmno khat ahih manin tua lai ah mi khempeuh gim tosak kei in,” a ci uh hi.

Tedim Bible

³ Amaute Joshua kiangah hong ciah kikin ama kiangah, “Mi khempeuh kuanto sak kei in la mi tulnih ahi a, tulthum ahi zongin kuanto sak in Ai simsak in; amaute mi tawmno khat ahih manin tua lai-ah mi khempeuh gimto sak kei in,” a ci uh hi.

Joshua 7:3 Iomraidhean Croise

Paunak 13:4

Thadah mi in a deih ngah zo lo a, nasep hahkat mi in a deih khempeuh ngah zo hi.

Paunak 21:25

Mi thadahpa in na sem nuam lo ahih manin a mahmah a kithattawm ahi hi.

Luka 13:24

Jesu in amaute kiangah, “Kong kawcik tawnin na lut nadingun hanciam un. Note kiangah kong genin ah, mi tampi tak in lut ding a hanciam uh hangin lut zo lo ding uh hi.

Hebru 4:11

Tua ahih manin amaute in a up loh manun Pasianʼ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Joshua 7:2

Joshua in Jerikho panin Bethel nisuahna lam Bethaven gei-a om Ai khua ah mi sawlin amaute kiangah, “Pai to unla a gam va en un,” a ci hi. Tua mite pai to-in Ai khua va ensim uh hi.

Joshua 7:4

Tua ahih ciangin mite lak panin tul thum bang tua lai ah a kuan to uh hi. Ai miteʼ mai ah amaute tai uh a,

2 PETER NIHNA 1:10

Tua ahih manin sanggamte aw, Pasian in note hong sapna le hong teelna ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

2 PETER NIHNA 1:5

Hih thu hangin na upna ban uh ah gamtat hoihna na behlap unla, na gamtat hoihna uh thutheihna tawh na behlap un;