Joshua 7:24 - Tedim Bible Revision 2017

²⁴ Tua ciangin Joshua le amah tawh a om Israel-te khempeuh in Zerahʼ tapa Akhan le a ngun, a puan, a kham tawn, a tanute, a tapate, a bawngtalte, a late, a tuute, a puanbuk le a neih khempeuh la uh a, amaute in Akhor Kuam ciangah tuate a paipih uh hi.

Tedim Bible

²⁴ Tua ciangin Joshua leh amah tawh a om Israelte khempeuh in Zerah tapa Akhan, leh a ngun leh a puan leh a kham tawn, leh a tanute leh a tapate, leh a bawngtalte leh a late leh a tuute, leh a puanbuk, leh a neih khempeuh la uh hi; amaute in Akhor Kuam ciangah tuate paipih uh hi.

Joshua 7:24 Iomraidhean Croise

Piancilna 18:25

Thuman mite, migilote tawh a kibat nadingin migilote tawh thuman mite thah khop ding, hi thei ding ahi hiam? Tua pen hi thei lo ding hi. Leitung khempeuh Thukhen pa a manin gamta lo ding ahi hiam?” a ci hi.

JOB (Job) 20:15

Migilo pa in a guk sa nate lua khiakik a, a gil sung nangawn panin Pasian in a lak khiatsak hi.

Paikhiatna 20:5

Tuateʼ mai ah na kun kei ding uh a, tuate na bia kei ding uh hi. Bang hang hiam cih leh keimah noteʼ Topa Pasian, a aam Pasian ka hi a, kei hong mudahteʼ tungah pateʼ mawhna tateʼ tungah khang thum khang lina dongin thuk-in,

Paunak 15:27

A man loin sum ngahna in inn sung lungkhamsak a, sumgolh a deih lote a nuntak sauvei nuam hi.

Thuhilh-sia 5:13

A hoih het lo na khat hih leitungah ka mu hi: Mite amauʼ lunggim nadingin hau uh hi.

Isaiah 65:10

Amaute in kei hong bia ding uh a, Sharon gam pen amauʼ tuu hon gamtatna mun suaksak ding uh a, Akhor Kuam pen amauʼ bawnghonteʼ lupna mun a suaksak ding uh hi.

Hosea 2:15

Tua lai panin a leenggui lote ka piakik dinga, Lungkhamna Kuam a cihnopna Akhor Kuam pen lametna kongpi ka suaksak ding hi. Egypt panin a paikhiat, a nungak no hun lai mah bangin ka thugennate hong ngai ding hi.

Joshua 15:7

Akhor Kuam panin Debir ah pai to a, leilu lam manawhin, tua kuam leitaw lam pangah a om, Adummim kah tohna gal khat ah a om Gilgal lamah kihei hi. Tua ciangin En-shemesh lui dung ah gamgi pai-in Enrogel ah tawp hi.

Joshua 22:20

Zerahʼ tapa Akhan, a ki-ap nate ah a khialh manin Israel mihon khempeuh tungah hehna hong tung hi lo ahi hiam? Ama mawhna hangin amah bek si lo hi,’ ci uh hi,” ci-in a gen uh hi.

Joshua 6:18

Ahih hangin suksiat dingin a kiseh nate panin nomau mah na kikem ding uh hi. Tua hikeileh tuate na suksiat ding uh ciangin a kisusia ding nate khat peuhpeuh iplahin la kha-in Israel-teʼ giahphual sungah siat nading na khat suaksakin haksatna na tun kha ding uh hi.

Joshua 6:21

Tua ciangin amaute in khuapi sunga om khempeuh numei le pasal, a moi a ham, bawngtalte, tuute le late khempeuh namsau tawh that mangkhin uh hi.

Joshua 7:1

Ahih hangin a ki-ap nate tawh kisai-in Israel mite zuau tat uh hi. Bang hang hiam cih leh Judah minam Zerah tapa Zabdi, a tapa Karmi, a tapa Akhan in a ki-ap nate pawl khat la ahih manin Israel mite tungah Topa heh mahmah hi.

Joshua 7:23

Amaute in puanbuk panin tuate la khia-in Joshua le Israel mite khempeuh kiangah hong paipih uh a, tua ciangin amaute in Topaʼ mai ah a koih uh hi.

Joshua 7:26

Tua ciangin amaute in tu ni donga a om suang honpi ama tungah a ciang uh hi. Tua ciangin Topaʼ hehluatna a dai hi. Tua ahih ciangin tu dongin tua mun pen Akhor Kuam, kici hi.