Joshua 6:27 - Tedim Bible Revision 2017

²⁷ Tua bangin Topa in Joshua ompih a, gam khempeuh ah ama min a thang hi.

Tedim Bible

²⁷ Tua ahih ciangin Joshua tawh Topa om hi; gam khempeuhah ama min a thang hi.

Joshua 6:27 Iomraidhean Croise

Piancilna 39:21

Ahih hangin Topa in Josef ompihin ama tungah itna kip lak a, thong ukpaʼ muhna ah maipha a pia hi.

2 SAMUEL NIHNA 7:9

Na paina peuhpeuh ah nang tawh kong om a, na galte khempeuh ka hong zosak hi. Leitung mi lianteʼ min khat mah bangin nang adingin min lian khat kong bawlsak ding hi.

1 KHANG TANGTHU MASATE 14:17

Tua ciangin Davidʼ minthanna in gam khempeuh zel a, Topa in minam dang khempeuh tungah amah kihtakna a tungsak hi.

Esther 9:4

Bang hang hiam cih leh kumpi inn sungah Mordekai ulianpi khat suak a, a vangliatna a khan semsem mah bangin gam khempeuh ah ama minthanna kizel hi.

Mattiu 14:1

Tua hun laitakin Galilee gam sungteng a uk sawn kumpi Herod in Jesuʼ thu a za hi.

Mattiu 18:20

Bang hang hiam cih leh keima minin mi nih le thum bek nangawn a kikhopna peuhpeuh ah kei ka om hi,” a ci hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

2 KORIN NIHNA 13:14

Topa Jesu Khris hong hehpihna thupha le Pasianʼ hong itna le Kha Siangtho tawh kikholh theihna, note khempeuh tungah hong tung tahen.

Thu-hilhkikna 31:6

Thahat unla, hang un. Lau kei unla, amaute kihta kei un. Bang hang hiam cih leh note tawh hong pai pa pen Topa na Pasian uh ahi hi. Note hong cimawhsak lo dinga, hong nusia lo ding hi,” a ci hi.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasianʼ thu a kicingin ka gen theih nadingin thahatna a hong pia hi. Tua ahih manin sih nading thukhenna pan hong suaktasak hi.

2 TIMOTI NIHNA 4:22

Topa in nangmah hong ompih tahen. Note khempeuh tungah Pasianʼ hehpihna thupha hong tung tahen.

Joshua 1:5

Na nuntak sung tawntung kuamah in na mai hong khak zo lo ding hi. Moses tawh ka om mah bangin nang tawh zong kong om ding hi. Nang kong tamasak kei dinga, kong nusia kei ding hi.

Joshua 1:9

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuh ah Topa na Pasian nang tawh hong om hi,” a ci hi.

Joshua 9:1

Jordan gal khat a om mual tung gam le lei niamna gam Lebanon lam Tuipi Lian dung khempeuh ah a om kumpite, Hit mite, Amor mite, Kanaan mite, Perez mite, Hiv mite le Jebus mite in hih thu a zak uh ciangin

Joshua 9:3

Ahih hangin Gibeon khua-a teeng mite in Jerikho le Ai tungah Joshuaʼ hihnasa thu a zak uh ciangin

Joshua 9:9

Amaute in, “Topa na Pasian uh min hangin a gamla mahmah gam panin na nasemte kong pai uh hi. Bang hang hiam cih leh ama thu le Egypt gam sungah a hihte khempeuh,

Thukhente 1:19

Topa in Judah mite huh ahih manin amaute in mual tung gam teng luah uh a, ahih hangin zang gam a teeng mite hawl khia zo lo uh hi. Bang hang hiam cih leh amaute in sikleeng nei uh hi.

1 SAMUEL MASA 18:14

David in a sepna khempeuh ah a maa tun hi; bang hang hiam cih leh Topa in amah ompih hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.