Joshua 6:26 - Tedim Bible Revision 2017

²⁶ Tua hun laitakin Joshua in amaute tungah thuciamna khat koih a, “Mi khat kipanin hih Jerikho khuapi a lamkik pa in Topaʼ mai ah samsiatna thuak tahen. A tacil luang khaamin tua khuapi bulpi phut dinga, a tapa neu pen luang khaamin a kulh kongpite phut ding hi,” a ci hi.

Tedim Bible

²⁶ Tua hun lai takin Joshua in amaute tungah thuciamna khat koih a, “Mi khat kipanin hih Jerikho khuapi a lamkikpa in Topa mai-ah samsiatna thuak ta hen. A tacil luang khaamin tua khuapi bulpi phut ding a, A tapa neu pen luang khaamin a kulh kongpite phut ding hi,” a ci hi.

Joshua 6:26 Iomraidhean Croise

1 KUMPI MASATE 16:34

Ama hun sungin Bethel mi Hiel in Jerikho a puah hi. Topa in Nun tapa Joshuaʼ tungtawnin a gen bangin amah in a tacil Abiramʼ luang khamin a bulpi phut a, a tapa neu pen Segubʼ luang khamin a kongpite a phut hi.

1 KUMPI MASATE 22:16

Ahih hangin kumpipa in ama kiangah, “Topaʼ min tawh thudang gen loin thuman bek kei tungah nong gen nading bangzah vei hong thuhilh ding ka hi hiam?” a ci hi.

2 KUMPI NIHNATE 2:4

Tua ciangin Elijah in Elisha kiangah, “Elisha aw, hih lai ah khawl in, kong thum hi; bang hang hiam cih leh Topa in Jerikho ah kei hong sawl hi,” a ci hi. Ahih hangin amah in, “Topa nungta a, nang mahmah na nuntak mah bangin, nang kong nusia ngei kei ding hi,” a ci hi. Tua ahih ciangin Jerikho ah amaute tung uh hi.

Malakhi 1:4

Esauʼ suanlekhak Edom mite in, “I khuapite a kisiat khit hangin i lamkik ding hi,” ci le-uh, Topa in, “A ut uh leh lam uh hen; ahi zongin ka susiakik veve ding hi. Midangte in, ‘Gam gilo, Topaʼ heh tawntungna minamte,’ ci-in ko ding uh hi,” ci-in a dawng ding hi.

Mattiu 26:63

Jesu pau loin a om hi. Tua ciangin siampi lianpen pa in, “Pasianʼ Tapa, Khris na hih leh na hih loh nong gen nadingin a nungta Pasianʼ min tawh khauh takin ka hong sawl hi,” a ci hi.

Sawltak 19:13

Dawi hawl khia-in a vak kawikawi Jew mi aitawi pawl khat in zong Topa Jesuʼ min zangin dawi hawlkhiat ding a sawm uh hi. Amaute in dawite kiangah, “Paul in a gengen Jesuʼ min tawh thu kong pia uh hi,” a ci uh hi.

Joshua 16:7

Janoah panin Ataroth le Naarah ah pai suk a, Jerikho banin Jordan ah tawp hi.