Joshua 6:21 - Tedim Bible Revision 2017

²¹ Tua ciangin amaute in khuapi sunga om khempeuh numei le pasal, a moi a ham, bawngtalte, tuute le late khempeuh namsau tawh that mangkhin uh hi.

Tedim Bible

²¹ Tua ciangin amaute in khuapi sunga om khempeuh numei leh pasal, a moi a ham, bawngtalte, tuute, leh late khempeuh namsau tawh that mang khin uh a, khuapi Topa tungah ap uh hi.

Joshua 6:21 Iomraidhean Croise

1 KUMPI MASATE 20:42

Tua ciangin amah in ama kiangah, “Topa in hih bangin ci hi: ‘Thah dinga ka seh mipa khah na hih ciangin ama nuntakna tangin nangma nuntakna, ama miteʼ tangin nangma mite pai ding hi,’ ci hi,” a ci hi.

Jeremiah 48:18

Dibon khua-a teeng mite aw, na minthanna uh mun sang panin hong kum suk unla, leivui lakah hong tu un! Bang hang hiam cih leh Moab hong sim dingte hong pai ta a, na kulhte uh hong suksiatsak zo uh hi.

Thu-hilhkikna 13:16

Note in van kinusiate khempeuh khua laizang mun awngah khawmin, Topa na Pasian uh tungah khuapi le van kinusia khempeuh meihal biakna bupin mei tawh na hal ding uh hi. Tua khuapi pen nin kikholna hi tawntung dinga, kilamkik nawn lo ding hi.

Thu-hilhkikna 2:34

Tua hunin a khuapi khempeuh i la a, a khuapi khempeuh, papi, nupi le naupangte i susia maimang a, bangmah i siit kei hi.

Thu-hilhkikna 7:16

Topa na Pasian un note tungah hong piak mi khempeuh na beisak ding uh a, amaute na khasiat kei ding uh hi. Note adingin thangzak hi ding ahih manin amauʼ pasian-te zong na bia kei ding uh hi.

Joshua 10:28

Tua ni-in Joshua in Makkedah khua la a, namsau tawh tua khua le a kumpipa vat gawp hi. A sunga om mi khempeuh susia mangin, bangmah siit lo a, Jerikho kumpipa tungah a bawl bangin Makkedah kumpipa tungah a bawl hi.

Joshua 10:39

Amah in a kumpipa le a kiimnai-a khuapite khempeuh tawh tua Debir khua a la hi. Amaute in namsau tawh vat gawp uh a, a sunga om mi khempeuh a susia mang uh hi. Amah in kuamah siit lo a, Hebron le Libnah le a kumpipa tungah a bawl sa bangin Debir le a kumpipa tungah a bawl hi.

Joshua 11:11

Amaute in tua sunga om mi khempeuh namsau tawh that khin mang uh hi. Khat zong hingkhawi lo uh a, a khuapi uh zong a hal tum uh hi.

Joshua 11:14

Israel mite in tua khuapite sunga van kinusiate le ganhingte amauʼ gal zawh van dingin a la uh hi. Ahih hangin amaute a thah khit matengun namsau tawh vat gawp uh a, khat beek hingkhawi lo uh hi.

Joshua 8:2

Jerikho le a kumpipa tungah na bawl bangin Ai le a kumpipa tungah na bawl dinga, a van kinusiate le a ganhingte bek note adingin na la ding uh hi. A khuapi nungah a khuapi a sim dingin na buk sim ding uh hi,” a ci hi.

Joshua 8:22

Tua ciangin Ai khua mite a do dingin khuapi panin Israel dangte hong kuan khia uh hi. Tua ahih ciangin Israel-teʼ kikalah amaute om uh a, pawl khat hih lamah pawl khat hua lamah om uh ahih manin a suakta khat zong a om lo dongin Israel-te in amaute a vatmai uh hi.

Joshua 9:3

Ahih hangin Gibeon khua-a teeng mite in Jerikho le Ai tungah Joshuaʼ hihnasa thu a zak uh ciangin

Mangmuhna 18:21

Tua ciangin a thahat vantungmi khat in an gawina suang tawh a kibang suang lianpi khat la-in tuipi sung denna a, “A lian Babylon khuapi hih bangin kilawn dinga, kimukik ngei nawn lo ding hi.

1 SAMUEL MASA 15:3

Tu-in pai-in Amalek mite vat gawp unla, amauteʼ neih khempeuh susia mangkhin un. Amaute siit loin, numei le pasal, naupang le nawine laite, bawngtal le tuu, kalaoh le la, that un,’ ci hi,” a ci hi.

1 SAMUEL MASA 15:8

Amah in Amalek-teʼ kumpipa Agag a hingin man a, mi khempeuh namsau tawh that mang hi.