Joshua 6:2 - Tedim Bible Revision 2017

² Tua ciangin Topa in Joshua kiangah, “Thei in, na khut sungah a kumpipa le a mi thahatte tawh Jerikho khua kong pia khin hi.

Tedim Bible

² Tua ciangin Topa in Joshua kiangah, “Thei in, na khut sungah a kumpipa leh a mi thahatte tawh Jerikho kong pia khin hi.

Joshua 6:2 Iomraidhean Croise

2 SAMUEL NIHNA 5:19

Tua ciangin David in Topa thu dongin, “Filistia-te do-in ka kuan to ding hiam? Keima khut sungah amaute na hong pia ding hiam?” a ci hi. Topa in David kiangah, “Kuan to in; bang hang hiam cih leh na khut sungah Filistia-te kong pia taktak ding hi,” a ci hi.

Nehemiah 9:24

A suan a khakte uh tua gamah lutin a lak uh ciangin, amauʼ mai ah tua gam a teeng Kanaan mite na nuaisiah a, a ut bangbangun a bawl dingun a kumpite le a mite amauʼ khut sungah na pia hi.

Daniel 2:21

Amah in hun le khuahunte kheel a, kumpite koihin lah a la khia hi. Amah in mite tungah pilna le theihna a pia hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

Daniel 4:17

Hih pen a vil, a patau vantungmiʼ thukhenna ahi hi. Tua ahih ciangin mun khempeuh ah a om mi khempeuhte in, a Lian Pasian in miteʼ kumpi gamah vai a hawm hi, cih a thei ding uh hi. Amah in a teel peuhpeuh a neu pente nangawn kumpi a suaksak thei ding hi,’ a ci hi.

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

Daniel 5:18

A Lianpen Pasian in na pa Nebukhadnezzar kumpi lianin koih a, zahtakna le vangliatna a pia hi.

Thu-hilhkikna 7:24

Amah in noteʼ khut sungah amauteʼ kumpite hong pia dinga, note in mun khempeuh panin amauteʼ min na maimangsak ding uh hi. Amaute na susia mangkhin ding uh a, noteʼ lang khat ah mi khat beek hong pang zo lo ding hi.

Joshua 12:9

A zawh uh kumpite: Jerikho kumpi, khat; Bethel gei-a om Ai kumpi, khat;

Joshua 2:24

Amaute in Joshua kiangah, “Topa in leitang khempeuh eiteʼ khut sungah hong pia taktak hi. Tua tham loin tua gam a teeng mi khempeuh eiteʼ hangin lungmang uh hi,” a ci uh hi.

Joshua 2:9

tua mite kiangah, “Topa in noteʼ tungah hih leitang hong piak khitna ka thei a, note ka hong kihta mahmah uh hi. Hih gam sunga a teeng mi khempeuh noteʼ hangin lunggim uh hi.

Joshua 20:1

Tua ciangin Topa in Joshua kiangah,

Joshua 6:1

Tu-in Israel miteʼ hangin Jerikho kulh kongpi kikhakcip a, kuamah pusuak thei lo, sung tum thei lo hi.

Joshua 6:3

Khuapi kimkot ah galkap mi khempeuh khatvei na pai ding uh hi. Tua bangin ni guk sung na pai ding uh hi.

Joshua 8:1

Tua ciangin Topa in Joshua kiangah, “Lau kei inla lungkia kei in. Galkap khempeuh nang kiangah la inla, kithawi-in Ai ah pai to in. Nangma khut sungah Ai kumpipa le a mite, a khuapi le a leitang kong piak khitna thei in.

Thukhente 11:21

Topa, Israel-teʼ Pasian in Sihon le a mite khempeuh Israel-teʼ khut sungah pia a, amaute in zo uh hi. Tua ahih ciangin tua gam sunga teeng Amor miteʼ leitang khempeuh Israel-te in luah uh hi.

Thukhente 11:24

Na pasian Khemosh in na neih dinga hong piakte kem peuh in. Kote ahihleh Topa ka Pasian un koteʼ mai ah a suan khiatte ka tang ding uh hi.