Joshua 6:18 - Tedim Bible Revision 2017

¹⁸ Ahih hangin suksiat dingin a kiseh nate panin nomau mah na kikem ding uh hi. Tua hikeileh tuate na suksiat ding uh ciangin a kisusia ding nate khat peuhpeuh iplahin la kha-in Israel-teʼ giahphual sungah siat nading na khat suaksakin haksatna na tun kha ding uh hi.

Tedim Bible

¹⁸ Ahih hangin suksiat dingin a kiseh nate panin nomau mah na kikem ding uh hi, tua hi kei leh tuate na suksiat ding uh ciangin a kisusia ding nate khat peuhpeuh iplahin la kha-in Israelte’ giahphual siat nading na khat suaksakin haksatna na tun’ kha ding uh hi.

Joshua 6:18 Iomraidhean Croise

2 SAMUEL NIHNA 21:1

Tu-in kum khat khit kum khat, Davidʼ hun sungin kum thum sung kialpi tung hi. Tua ciangin David in Topaʼ kiangah thu dong hi. Topa in, “Amah in Gibeon mite that ahih manin Saul le a innkuan tungah mi thahna hanga mawhna om hi,” a ci hi.

Thuhilh-sia 9:18

Galhiamte sangin pilna hoih zaw a, ahi zongin khialhna khat in a hoih tampi susia thei hi.

Jonah 1:12

Amah in, “Hong dom to unla, tuipi sungah hong khia un; tua hileh no adingin tuipi a hong dai ding hi; bang hang hiam cih leh hih huihpi na thuakna uh keima hang ahi hi, cih ka thei hi,” ci-in a dawngkik hi.

ROM (Romans) 12:9

Na ki-itnate uh lungsim takpi tawh hisak unla, a siate mudahin a hoihte lenkip un.

2 KORIN NIHNA 6:17

Tua ahih manin Vanglian Topa keimah in kong genin ah: Amaute tawh kikhenin amaute kiang panin paikhia unla, a siang lo peuhmah su kha kei un. Tua hileh note ka hong ngai ding hi.

Efesa 5:11

Khuamial gamtatna, bangmahin a kimang lo nasepnate su vet kei unla, tua bang gamtatnate a hoih lohna pholak zaw un.

Thu-hilhkikna 13:17

Tu ni-a kong gen ama thupiaknate khempeuh zui-in Topa na Pasian uh mai ah a manin gamtatna tawh Topa na Pasian uhʼ aw na ngaih uh leh, na pu na pate uh tungah a ciam sa bangin, a kihtakhuai ama hehna panin Topa kihei-in note tungah migitna hong lakin, note tungah hehpihna hong nei-in, note tampi tak hong phaksak theih nadingin a ki-ap sa na khat beek zong note adingin na kem kei ding uh hi.

Thu-hilhkikna 23:10

Note lakah, zan sungin ama tungah thupiang hangin a siang lo mi a om leh giahphual pua lamah amah paikhia dinga, giahphual sungah hong pai lo ding hi.

Thu-hilhkikna 7:26

Noteʼ inn sungah a kihhuai nate na tumpih kei ding uh a, tua nate tawh kibangin samsiat a thuak mi na kisuaksak kei ding uh hi. Note in tua nate mudah mahmah in na kih ding uh hi. Bang hang hiam cih leh tua nate a kisamsia na ahi hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uh ah hoihtakin kemin, leitung siatnate tawh kisawh kha loin siangtho takin omna ahi hi.

Joshua 7:1

Ahih hangin a ki-ap nate tawh kisai-in Israel mite zuau tat uh hi. Bang hang hiam cih leh Judah minam Zerah tapa Zabdi, a tapa Karmi, a tapa Akhan in a ki-ap nate pawl khat la ahih manin Israel mite tungah Topa heh mahmah hi.

Joshua 7:13

Tho in, mite siansuah inla, ‘Zing cianga dingin note kisiansuah tawm un. Bang hang hiam cih leh Israel Pasian Topa in, “Israel mite aw, noteʼ lakah a ki-ap nate om hi. Noteʼ lak panin a ki-ap nate na lakkhiat matengun na galte uh na nang zo kei ding uh hi,” ci hi.

Joshua 7:15

Tua ciangin a ki-ap nate tawh a kilakhawm mipa le a neih khempeuh, mei-in kihal ding hi. Bang hang hiam cih leh amah in Topaʼ thuciamna palsat hi. Israel sungah a zumhuai-in a gamta ahi hi,’ ci in,” a ci hi.

Joshua 7:25

Tua ciangin Joshua in, “Bang hangin kote tungah gimna hong tun na hi hiam? Tu ni-in Topa in nang tungah gimna hong pia hi,” a ci hi. Tua ciangin Israel-te khempeuh in suang tawh Akhan a deng lum uh hi. Amaute in a innkuan pih dangte le a neihsate uh zong suang tawh deng lumin a hal uh hi.

1 JOHAN MASA 5:21

Ka itte aw, milim na biakkhak loh nadingun na kidawm un.

1 SAMUEL MASA 15:9

Ahih hangin Saul le mite in Agag le a hoih pen tuute, bawngtalte, gannote, tuunote le a hoih khempeuh khawi uh a, tuate that mangkhin lo uh hi. A kisimmawh bangmah a man lo khempeuh amaute in that mang uh hi.