Joshua 6:17 - Tedim Bible Revision 2017

¹⁷ Khuapi le a sunga omte khempeuh pen Topaʼ tungah biakna-in kisusia ding hi. Amah in i sawl kamtaite na seel ahih manin numei paktat Rahab le ama inn sungah amah tawh a om khawmte khempeuh bek hing ding hi.

Tedim Bible

¹⁷ Khuapi leh a sunga omte khempeuh suksiat dingin Topa tungah kipia ding hi; amah in i sawl kamtaite na seel ahih manin numei paktat Rahab leh ama inn sungah amah tawh a om khawmte khempeuh bek hing ding hi.

Joshua 6:17 Iomraidhean Croise

Piancilna 12:3

Nang thupha hong piate thupha ka pia dinga, nang hong samsiate ka samsia ding hi. Nangʼ thupha ngah bangin thupha a ngah nadingun leitung midang khempeuh in hong ngen ding uh hi,” a ci hi.

Ezra 10:8

le ni thum sungin a hong tung lo a om leh uliante le upateʼ hoihsakna bangin a neihsa khempeuh uh kimanin, sal suak sa mihonte panin a kihawlkhiat theih nading thu taangkona khat kibawl hi.

Isaiah 34:6

Topa in namsau khat nei hi. Sisan tawh kidim dinga, biakpiakna tuuno si le keel si, tuutalteʼ kal thau tawh a kizolsak bang ding hi. Bang hang hiam cih leh Topa in Bozrah khua ah hih biakpiakna nei dinga, Edom gamah hih bang tampi thahna omsak ding hi.

Jeremiah 46:10

“Bang hang hiam cih leh tu ni pen Vanglian Topa Pasianʼ ni hi a, phu a lakkik ni, a galte a thuk ni ahi hi. Namsau in amaute that dinga, a kham mateng a si uh a dawn ding hi. Bang hang hiam cih leh Vanglian Topa Pasian in Eufratis gun gei leilu lamah amaute biakna-in a nei hi.

Ezekiel 39:17

Topa Pasian in kei kiangah, “Mihing ahi Ezekiel aw, amaute adingin ka bawlsak biakpiakna sa a ne dingin mun khempeuh panin vasa khempeuh le ganhing khempeuh hong pai nadingun sam in. Israel mual tung gamah pawi lianpi khat om dinga, a duh zahzahun sa ne-in si dawn ding uh hi.

Siampi Laibu 27:21

A lo pen, jubilee huna piakkhiat ciangin, a ki-ap sa lo mah bangin Topaʼ tungah a siangtho hi dinga, siampipa in tua lo tang ding hi.

Micah 4:13

Topa in hih bangin ci hi: Jerusalem khua mite aw, kipan unla, na galte uh su gawp un. Sumngo khe le sik ki a nei bawngtal bangin note kong thahatsak ding hi. Minam tampite na su gawp zo ding uh a, amauʼ neihsa teng keima-aʼ na suaksak ding uh a, amauʼ hauhna teng leitung buppiʼ Topaʼ neihsa na suaksak ding uh hi.

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

1 KORIN MASA 16:22

Topa a it lo mi peuhmah in samsiatna ngah tahen. I Topa hong pai tahen.

1 KORIN MASA 2:7

Tua ka gen pilna thu pen miteʼ theih lo dingin Pasian in a ipcip Pasianʼ pilna thusim hi a, eiteʼ minthan nadingin leitung pianmapekin Pasian in a na koih sa thu ahi hi.

Galati 3:10

Hih thu tawh kisai-in Lai Siangtho in, “Thukham laibu sunga kigelh khempeuh a vekpi-in a zui khin tawntung lote in Pasianʼ samsiatna thuak hi,” ci ahih manin Thukham a suangte pen samsiatna a ngah mite ahi uh hi.

Galati 3:12

Lai Siangtho in, “Thukhamʼ deih bangin a gamta zote nungta ding hi,” na ci ahih manin Thukham zuihna le upna thu na kimemat kha lo hi.

Hebru 11:31

Numei paktat Rahab in thukante limtakin na zin do a, Pasianʼ thu a mang lo mite tawh a sih khawm lohna zong a upna hang mah ahi hi.

Hebru 6:10

Pasian, a man loin gamta ngei lo ahih manin na Khristian pihte uh a beisa hunah na huhna uh le tu dongin na huh laina uh tawh ama adingin na nasepna uh le amah na itna uh na lahnate uh hong mangngilh het lo ding hi.

Jeim 2:25

Numei paktat Rahab zong tua bangmah ahi hi. Israel mi thukante hoihtakin zin na do-in, lampi dangah ciahsakin na suaktasak a, ama nasepna hangin Pasian tawh kipawl theihna a ngah ahi hi.

Joshua 2:1

Tua ciangin Nunʼ tapa Joshua in Shittim panin thukanin mi nih sawlsim a, “Pai-in gam va en unla, a diakdiakin Jerikho khua hong en un,” a ci hi. Amaute pai uh a, Rahab min nei numei paktat nuʼ inn ah tungin giak uh hi.

Joshua 2:22

Amaute pai khia-in mual tungah pai uh a, a delhte a ciahkik mateng ni thum sung om uh hi. Bang hang hiam cih leh a delhte in lamdung khempeuh zongin bangmah mu lo uh hi.

Joshua 7:1

Ahih hangin a ki-ap nate tawh kisai-in Israel mite zuau tat uh hi. Bang hang hiam cih leh Judah minam Zerah tapa Zabdi, a tapa Karmi, a tapa Akhan in a ki-ap nate pawl khat la ahih manin Israel mite tungah Topa heh mahmah hi.

1 SAMUEL MASA 15:3

Tu-in pai-in Amalek mite vat gawp unla, amauteʼ neih khempeuh susia mangkhin un. Amaute siit loin, numei le pasal, naupang le nawine laite, bawngtal le tuu, kalaoh le la, that un,’ ci hi,” a ci hi.

1 SAMUEL MASA 15:6

Tua ciangin Saul in Ken mite kiangah, “Pai un; kihem khia un. Amalek mite lak panin paikhia suk un. Tua hikeileh amaute tawh note kong susia khawm kha ding hi. Bang hang hiam cih leh Egypt panin Israel-te hong paikhiat lai-in amaute khempeuh tungah migitna na lak uh hi,” a ci hi. Tua ahih ciangin Amalek mite lak panin Ken mite kihem khia uh hi.