Joshua 5:9 - Tedim Bible Revision 2017

⁹ Tua ciangin Topa in Joshua kiangah, “Tu ni-in noteʼ tung panin Egypt gamah sal suakin na min siatna uh ka zial khia hi,” a ci hi. Tua ahih ciangin tua mun pen tu ni dongin Gilgal kici hi.

Tedim Bible

⁹ Tua ciangin Topa in Joshua kiangah, “Tu ni-in note tung panin Izipt gamah sal suakin na minsiatna uh ka zial khia hi,” a ci hi. Tua ahih ciangin tua mun pen tu ni dongin Gilgal kici hi.

Joshua 5:9 Iomraidhean Croise

Piancilna 34:14

Amaute in amau kiangah, “Vun ki-at lopaʼ tungah ka sanggamnu uh ka piak ding uh ka ngaihsun thei kei uh hi. Tua bangin pia le ung ko adingin mindaina hi ding hi.

2 SAMUEL NIHNA 19:15

Tua ahih ciangin Jordan ah kumpipa hong paikik hi. Kumpipa a dawn ding le Jordan galah kumpipa a paipih dingin Gilgal ah Judah mite hong pai uh hi.

Nehemiah 12:29

Beth-gilgal khua le Geba kiimnai le Beth-azmaveth khua panin zong hong pai uh hi. Bang hang hiam cih leh lasate pawl in Jerusalem kiimah amau adingin khuaneute sat uh hi.

Late 119:39

Ka kihtak hong kikonate keiʼ kiang pan hei khia in. Bang hang hiam cih leh nangmah biakna ngeina kipte hoih mahmah hi.

Jeremiah 9:25

Topa in, “Vun ki-at hi napi-in vun ki-at miteʼ gamtat bangin a gamta lote gimpiak hun hong tung ding hi.

Ezekiel 23:3

Amaute Egypt ah a om lai, a khangno laitakun, a nungakna lim uh bei-in numei paktat a suak uh hi.

Ezekiel 23:8

A nungakna beisakin, Egypt gam a a paktat mah zom lailai hi. A nungak tung a kipanin mite in luppihin numei paktatte bangin bawlin a ututun hih uh hi.

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal ah ahi a, Bethaven ah ahi zongin pai kei unla, tua lai munah Topaʼ min tawh na kiciam kei un.

Siampi Laibu 24:14

“A samsia mipa pen giahphual pua lamah paipih in. Ama samsiat a za mi khempeuh ama lu tungah amauʼ khut ngasak inla, mihonte khempeuh amah deng lumsak in.

Amos 5:5

A bia dingin Beer-sheba ah pai kei un. Bethel ah kei hong zong kei un; a mawkna suak ding hi. Gilgal ah zong lut kei un; Gilgal mite, sal a suak ding hi lel hi.

Micah 6:5

Ka mite aw, Moab Kumpi Balak in note sukna ding a vaihawmna teng, Beorʼ tapa Balaam in ama nget bangin a sepna teng limtakin phawkkik un. Note hotkhiat nadingin ka sepna thu na theih nadingun Shittim le Gilgal kikal a thupiangte ngaihsunkik un,” a ci hi.

Zefaniah 2:8

Vanglian Topa in hih bangin thu gen a, “Moab mite in ka mite a simmawhna, Ammon mite in ka mite a zahkona le ka miteʼ gam a sut gawp dingin, a kisaktheih paunate uh ka za khin hi.

Joshua 24:14

“Tua ahih ciangin tu-in Topa zahtak unla, lungsim tak le thumanna tawh ama na sem un. Na pu na pate un Gun gal le Egypt gam sungah a biak uh pasian-te koih khia unla, Topaʼ na sem un.

Joshua 4:19

Kha masa a ni sawm ni-in Jordan panin mite paikhia uh a, Jerikho nisuahna lam gamgi Gilgal ah giahphual sat uh hi.

Joshua 5:8

Minam bup vun ki-atna a man khit ciangin giahphual amauʼ mun ciatah a dam mateng a om uh hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in; dawibia mi hih khuacingte kiangah va pai ni. Topa in eite adingin hong hihsak kha ding hi. Bang hang hiam cih leh hotkhiat nadingin a tam a tawm in Topa nawngkaisak lo ding hi,” a ci hi.

1 SAMUEL MASA 17:26

David in ama kiang a ding mite kiangah, “Hih Filistia-pa thatin Israel-teʼ tung panin hih mindaina a beisak pa adingin bang kihih ding ahi hiam? A nungta Pasianʼ galkapte a to dingin hih dawibia Filistia-pa kua ahi hiam?” a ci hi.

1 SAMUEL MASA 17:36

Na nasem pa in humpinelkai le vomte that khin ngei hi. Amah in a nungta Pasianʼ galkapte ninsak ahih manin dawibia hih Filistia-pa pen tuate khat tawh kibang lel ding hi,” a ci hi.

1 SAMUEL MASA 7:16

A kumkumin Bethel, Gilgal le Mizpah ah kot pai a, amah in hih munte khempeuh ah Israel-te thu khen hi.