Joshua 5:14 - Tedim Bible Revision 2017

¹⁴ Amah in, “Hi lo hi; Topaʼ galkapte a ukpa-in tu-in kong pai hi,” a ci hi. Joshua zong bok sukin bia-in ama kiangah, “Ka topa in a nasem pa bang hong sawl nuam ahi hiam?” a ci hi.

Tedim Bible

¹⁴ Amah in, “Hi lo hi; Topa’ galkapte a ukpa-in tu-in kong pai hi,” a ci hi. Joshua lei-ah bok sukin bia a, ama kiangah, “Ka Topa in a nasempa bang hong sawl nuam ahi hiam?” a ci hi.

Joshua 5:14 Iomraidhean Croise

Piancilna 17:17

Tua ciangin Abraham mai kun sukin nui a, a mahmah tungah, “Kum za a pha pasal khat in ta nei ding ahi hiam? Kum sawm kua a pha Sarah in ta nei ding ahi hiam?” kici hi.

Piancilna 17:3

Tua ciangin Abram kun suk hi. Pasian in ama kiangah,

2 SAMUEL NIHNA 7:19

Hih pen nangma mitah thu neuno khat hi lai hi, Topa Pasian aw. A hong tung ding sau veipi sung na nasem paʼ suanlekhakteʼ thu ding na gen khin a, mailam khangte zong kei nong lak khin hi, O Topa Pasian!

2 SAMUEL NIHNA 7:20

David in nang tungah bang gen thuah nawn ding ahi hiam? Bang hang hiam cih leh nangmah in na nasem pa na thei hi, O Topa Pasian!

Late 110:1

Topa in ka to kumpipa tungah, “Na galte nangma khengakna-in ka bawl matengin ka tak lamah tu in,” a ci hi.

Late 24:10

Hih a minthang Kumpipa kua ahi hiam? Vanglian Topa, minthang Kumpipa ahi hi.

Paikhiatna 4:10

Ahih hangin Moses in Topa kiangah, “Oh, ka Topa aw, tu masiah hitaleh na nasem pa tungah thu na gen a kipan hitaleh, kei thugen a siam ka hi kei hi. Ka kampau ol-in, ka pau awk hi,” a ci hi.

Paikhiatna 4:13

Ahih hangin amah in, “Oh, ka Topa aw, hong thum ing; midang khat sawl zaw in,” a ci hi.

Isaiah 55:4

David pen mite tungah teci ding, mite a makai ding le a ukpa dingin ka koih hi.

Isaiah 6:8

Tua ciangin, “Kua sawl dinga, eite adingin kua va pai ding ahi hiam?” Topaʼ cihna aw ka za hi. Tua ciangin keʼn, “Hih lai ah kei om ing! Kei hong sawl in,” ka ci hi.

Ezekiel 3:23

Tua ahih manin kei zong kuam sungah ka va pai a, Khebar Gun gei-a ka muh bang teek mahin tua lai ah Topaʼ minthanna vang ka mu hi. Kei zong lei ah ka bok suk a,

Daniel 10:13

Persia gam a cing vantungmi in ni sawm nih le khat sung kei a hong nial hi. Tua ciangin kei a hong huh dingin vantungmi thupite khat ahi Mikhael a hong pai hi. Bang hang hiam cih leh Persia gam sungah keimah guak bek ka om hi.

Daniel 12:1

Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pian zawh a kipan a nasia penpen gimna hun hong tung ding hi. Tua hun a hong tun ciangin Pasianʼ laibu sungah a min a kigelh na mite khempeuh kihon khia ding hi.

Daniel 8:11

Amah in vantung galkap kumpipa nangawn do-in, ama tunga kipia tawntung biakpiaknate nangawn khawlsakin, biakinnpi biaknate a beisak hi.

Siampi Laibu 9:24

Topaʼ mai panin mei hong piang khia-in meihal biakna le biakna tau tunga om sathau a kang hi. Mi khempeuh in a muh uh ciangin awng uh a, lei maingatin a kun suk uh hi.

Gamlak-vakna 16:22

Amaute bok suk uh a, “Pasian, mi khempeuhteʼ tungah nuntakna a pia Pasian aw, mi khatʼ khialhna hangin mihon khempeuhteʼ tungah nang heh ding na hi hiam?” a ci uh hi.

Gamlak-vakna 16:45

“Tomno sungin amaute ka siatsak theih nadingin hih mihonteʼ lak panin paikhia un,” a ci hi. Tua ciangin amau tegel zong bok suk uh hi.

Gamlak-vakna 22:31

Tua ciangin Topa in Balaamʼ mitte honsak a, a khut sungah namsau dawh sa tawh Topaʼ vantungmi lampi ah a ding mu ahih manin a lu kunin a bok suk hi.

Mattiu 22:44

‘Topa in keima Topa tungah thu gen a: Na galte, na khe nuai ah ka koih matengin ka tak lamah na tu in,’ ci hi, ci-in thu na gen a, Khris pen ka Topa ci ahi hiam?

Mattiu 8:2

Tua laitakin miphak khat hong pai-in ama mai ah hong khukdin a, “Topa aw, nong damsaknop nakleh nong damsak thei ding hi,” a ci hi.

Luka 1:43

Ka Topaʼ nu kei kiangah hong hawh nadingin, bang hangin hih bang thu lian kei tungah hong tung ahi hiam?

Luka 20:42

Bang hang hiam cih leh David mahmah in La Bu sungah, ‘Topa in keima Topa tungah thu gen a: Na galte, na khe nuai ah ka koih matengin ka tak lamah tu in,’ ci hi.

Luka 5:12

Khat vei, khua sung khat ah Jesu a om laitakin tua khua sungah a pumtangin phak natna a vei mi khat a om hi. A phakpa in Jesu a muh ciangin a mai ah bokin, “Topa aw, hong damsak nuam peuh lecin kei nong damsak thei hi,” ci-in a thum hi.

Johan 20:28

Thomas in zong, “Ka Topa, ka Pasian!” ci-in a dawn ciangin

Sawltak 9:6

Ahi zongin tho-in khuapi sungah lut in; tua lai panin na gamtatna ding teng hong kigen ding hi,” a ci hi.

Filippi 3:8

Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

Hebru 2:10

Na khempeuh ama adingin a piangsak Pasian in tate tampi minthanna a ngahsak theih nadingin a thuakna tawh hotkhiatna thu ah a makai dingin Jesu a bawl ding a kilawm mah ahi hi.

Joshua 20:1

Tua ciangin Topa in Joshua kiangah,

Mangmuhna 12:7

Tu-in vantungah gal kidona hong om a, Mikhael le a vantung mite in gulpi le a vantung mite a do uh hi.