Joshua 5:13 - Tedim Bible Revision 2017

¹³ Jerikho khua kiangah Joshua a tun ciangin a khuadak toh leh, a khut sungah namsau dawh sa tawh mi khat a mai ah na ding hi. Ama kiangah Joshua pai-in, “Koʼ pawl na hi hiam, ahih kei leh ka langteʼ pawl na hi hiam?” a ci hi.

Tedim Bible

¹³ Jerikho khua kiangah Joshua a tun’ ciangin a mitte sangsak in khuadak a, en in, a khut sungah namsau dawhsa tawh mi khat a mai-ah na ding hi; ama kiangah Joshua pai-in, “Ko pawl na hi hiam, ahih kei leh ka langte pawl na hi hiam?” a ci hi.

Joshua 5:13 Iomraidhean Croise

Piancilna 18:1

Mamre tawsaw gei-a Abraham a omna ah Topa hong kilang hi. Abraham a puanbuk kong gei ah sun nisat laitakin tu-in a om laitakin

Piancilna 18:2

a khuadak toh leh, ama mai ah mi thum na ding hi. Amah in amaute a muh ciangin amaute a dawn dingin puanbuk kong panin va tai a, leilak ah kun sukin,

Piancilna 28:16

Tua ciangin a ihmutna panin Jakob khanglo a, “Hih lai munah Topa om taktak hi; keimah in tua thu ka thei kei hi,” a ci hi.

Piancilna 33:1

Jakob khuadak a, Esau tawh mihing za li hong pai a mu hi. Tua ahih ciangin amah in Leah, Rachel le nasem numei nihteʼ lakah a naupangte a khen hi.

Piancilna 33:5

Esau khuadak to-in nupite le naupangte a muh ciangin amah in, “Nang tawh a om hihte kua ahi hiam?” a ci hi. Jakob in, “Pasian in hehpihna tawh na nasem pa a piak tate ahi hi,” a ci hi.

1 KHANG TANGTHU MASATE 12:22

Pasianʼ galkap hon bangin galkap hon tampi a phak dongin a nini-in David a huh dingin mi hong paipai hi.

1 KHANG TANGTHU MASATE 21:27

Tua ciangin Topaʼ thupiakna tawh vantungmi in a namsau a pai sungah a siatkik hi.

1 KHANG TANGTHU MASATE 21:30

Ahih hangin amah in Topaʼ vantungmiʼ namsau kihta ahih manin Pasian tungah thu a dong dingin tua lai ah David pai ngam lo hi.

Paikhiatna 23:23

Noteʼ mai ah ka vantungmi pai-in Amor mite, Hit mite, Perez mite, Kanaan mite, Hiv mite le Jebus mite kiangah note hong paipihin, keimah in amaute ka phiatkhiat ciangin,

Daniel 10:5

Ka nung lam ka et toh leh puan pak silhin kham kawnggak tawh a kawng a gak mi khat ka mu hi.

Daniel 8:3

Ka khuadak toh leh gun gei ah tuutal khat adingin a om ka mu hi. Amah in a sau mahmah ki nih nei a, a ki po nunung pen a po masa sangin a sau zaw hi.

Zekhariah 1:8

Topaʼ vantungmi khat sakol san khat tungah a tuang ka mu hi. Kuam sunga a om mui singkungte lakah amah khawl a, ama nungah sakol dang a san, a gial, a kang om hi.

Gamlak-vakna 22:23

Topaʼ vantungmi in a khut sungah namsau dawh sa tawi-in lampi ah a ding, a la in mu ahih manin lampi panin pialin gamlak ah a pai hi. Balaam in lampi ah a paikik nadingin a la a sat hi.

Gamlak-vakna 22:31

Tua ciangin Topa in Balaamʼ mitte honsak a, a khut sungah namsau dawh sa tawh Topaʼ vantungmi lampi ah a ding mu ahih manin a lu kunin a bok suk hi.

Sawltak 1:10

Tua bangin Jesu a kilaktoh ciangin amaute in vantung lam enenin a om laitakun amaute kiangah puan pak a silh mi nih hong ding vat a,

Joshua 6:2

Tua ciangin Topa in Joshua kiangah, “Thei in, na khut sungah a kumpipa le a mi thahatte tawh Jerikho khua kong pia khin hi.

Mangmuhna 1:13

Tua meivakte lakah, puantualpi khat silhin a awm-ah kham kibawl awmgak a gak, mi tawh a kibang khat ka mu hi.

Thukhente 13:11

Tua ciangin Manoah dingin a zi zui a, mipa kiangah pai-in, “Hih nu kiangah thugen pa nang na hi hiam?” a ci hi. Amah in, “Ka hi hi,” a ci hi.

Thukhente 13:22

Manoah in a zi kiangah, “Pasian mu khin ihih manin i si taktak ding hi,” a ci hi.