Joshua 4:9 - Tedim Bible Revision 2017

⁹ Tua ciangin Joshua in Thuciamna Singkuang a pua siampiteʼ khe a dinnasa mun, Jordan laizang ah zong suang sawm le nih mah a phut hi. Tu ni dongin tua suangte tua mun mahah om lai hi.

Tedim Bible

⁹ Tua ciangin Joshua in thuciamna singkuang a pua siampite’ khe a din’nasa mun, Jordan laizangah tua suang sawm-le-nihte phut hi; tu ni dongin tuate tua mun mahah om lai hi.

Joshua 4:9 Iomraidhean Croise

Piancilna 26:33

Amah in tua pen Shibah ci-in min phuak hi. Tua ahih ciangin tua khuapi min pen tu ni dongin Beer-sheba kici hi.

Piancilna 28:18

Tua ahih ciangin zingsangin Jakob tho baih a, amah in lukhamin a zat suang la-in khuamin phut a, a tungah sathau a sung hi.

2 SAMUEL NIHNA 4:3

Beeroth mite Gittaim ah tai uh a, tu ni dongin tua lai ah peemta-in om uh hi.)

1 KUMPI MASATE 18:31

“Israel, nangma min hi ding hi,” ci-in Topaʼ thu a tunna Jakobʼ tapa minam sawm le nihte tawh kizui-in Elijah in suangtum sawm le nih la hi.

2 KHANG TANGTHU NIHNATE 5:9

A zawlte sau ahih manin siangtho mun panin biakinn sung nung mai ah a mongte kidawk a, ahih hangin a pualam panin kimu thei lo hi; tu ni dongin tua lai ah tuate om hi.

Paikhiatna 24:12

Topa in Moses kiangah, “Keima kiang mual tungah hong pai to inla, tua lai ah ngak in. Amaute a kihilh nadingin keima gelh sa, thukham le thupiakna tawh, suangpek nang tungah kong pia ding hi,” a ci hi.

Paikhiatna 28:21

Israel tapateʼ min tawh kituakin amauteʼ min a omna suang sawm le nih om ding hi. Tuate pen minam sawm le nihte adingin amauʼ min ciat kigelhin, min gelhna tawh kibang ding hi.

Mattiu 27:8

Tua ahih manin tu dongin tua lo pen, “Mi Thahna Lo,” a kici hi.

Mattiu 28:15

Tua ahih manin galkapte in a sum sang uh a, a kisawl bangin a gamta uh hi. Tua ahih manin tu ni dongin Jew mite lakah tu-a bangin hih thu a kigengen lai ahi hi.

Thu-hilhkikna 34:6

Beth-peor gal khat, Moab gam kuamah amah kiphum hi. Ahih hangin tu hun dongin a kiphumna mun kuamah in thei lo hi.

Joshua 24:26

Tua ciangin Joshua in Pasianʼ thukham laibu sungah hih kammalte a gelh hi. Amah in suangtum lianpi khat la-in Topa biakna mun tawsaw nuai ah a phut hi.

Joshua 4:10

Bang hang hiam cih leh Moses in Joshua a thupiak bangin mite tungah a gen dingin Topa in Joshua a thupiak khempeuh a vekpi-in a kiman khit matengin Jordan laizang ah Thuciamna Singkuang a pua siampite a ding uh hi. Mite nawhsa-in gal kah uh hi.

Thukhente 1:26

A nung ciangin Hit mite gamah tua mipa pai-in khuapi khat sat a, a min pen Luz ci-in a phuak hi. Tu dongin tua khua min pen Luz mah ahi hi.

1 SAMUEL MASA 30:25

Tua ni a kipanin tu ni dongin amah in Israel-te adingin thukham le biakna ngeina kipin a bawl hi.

1 SAMUEL MASA 7:12

Tua ciangin Samuel in suangtum khat la-in Mizpah le Jeshanah kikalah phut a, a min Ebenezer a phuak hi; bang hang hiam cih leh amah in, “Hih pen Topa in eite hong huhna teci ahi hi,” a ci hi.