Joshua 4:14 - Tedim Bible Revision 2017

¹⁴ Tua ni-in Israel-te khempeuhʼ muhna ah Topa in Joshua liansak hi. Amaute in Moses lamdang sa-in a om uh mah bangin Joshua a nuntak sung tawntung lamdang sa-in a om uh hi.

Tedim Bible

¹⁴ Tua ni-in Israelte khempeuh muhna-ah Topa in Joshua liansak hi; amaute in Moses lamdang sa-in a om uh mah bangin, a nuntak sung tawntung amah lamdang sa-in om uh hi.

Joshua 4:14 Iomraidhean Croise

1 KUMPI MASATE 3:28

Tua ciangin Israel mi khempeuh in kumpipaʼ piak thukhenna za uh hi. Thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdang sa-in a om uh hi.

2 KUMPI NIHNATE 2:15

Tu-in Jerikho ah a om kamsangte in amah a muh uh ciangin amaute in, “Elijahʼ vangliatna Elishaʼ tungah om hi,” a ci uh hi. Tua ciangin amah a dawn dingin amaute hong pai uh a, ama mai leilak ah amaute a kun uh hi.

1 KHANG TANGTHU MASATE 29:25

Tua ciangin Topa in Israel mi khempeuh muhna ah Solomon tungah minthanna lianpi pia a, Israel sungah ama ma-in kumpi khat peuhpeuh tungah a kipia ngei nai lo kumpi minliatna a guan hi.

2 KHANG TANGTHU NIHNATE 30:12

Topaʼ thupiakna tawh kumpipa le ulianteʼ sawlna a sem dingin Judah mite tungah Pasian in lungsim kikhatna a guan hi.

Paikhiatna 11:3

Topa in Egypt miteʼ muhna ah mite maipha pia hi. Tua tham loin, mipa Moses pen Egypt leitang tung, Faroʼ nasemteʼ muhna le miteʼ muhna ah lian mahmah hi.

Paikhiatna 14:31

Israel mite in Egypt miteʼ tungah Topaʼ bawl nasepna lianpi mu uh a, mite in Topa a zahtak uh hi. Amaute in Topa le ama nasem Moses a um uh hi.

Paunak 24:21

Ka ta aw, Topa le kumpipa zahtak khawm inla, amau a langpangte tawh kipawl kha kei in.

ROM (Romans) 13:4

Ukna thuneite pen noteʼ hoih nadingin Pasianʼ nasemte ahi uh hi. Ahi zongin a sia-in na gamtat uh leh gim hong pia taktak ding uh ahih manin na lau ding uh ahi hi. Bang hang hiam cih leh amaute pen Pasianʼ nasemte hi a, a sia-in a gamta mite tungah Pasianʼ hehna bangin gim a pia dingte ahi uh hi.

1 KORIN MASA 10:2

Meiipi sung le tuipi sungah ama nungzui a suak dingin Moses sungah amaute na kiphum uh hi.

Joshua 3:7

Tua ciangin Topa in Joshua kiangah, “Moses tawh ka omkhop bangin nang tawh kong omkhop nading thu amaute in a theih nadingun Israel mite khempeuh muhna ah tu ni-in nang liatsak ding ka kipan ding hi.

Joshua 4:13

mi tul sawm li bang galdo dingin hiam tawi-in a baih sa-in Jerikho zanglei lam Topaʼ mai ah a pai uh hi.

Joshua 4:15

Tua ciangin Topa in Joshua kiangah,

1 SAMUEL MASA 12:18

Tua ahih ciangin Samuel in Topaʼ tungah thu ngen a, Topa in tua ni-in van gingsakin guah zusak hi. Tua ciangin mi khempeuh in Topa le Samuel nakpi takin a zahtak uh hi.