Joshua 3:8 - Tedim Bible Revision 2017

⁸ Thuciamna Singkuang a pua siampite thu na pia dinga, ‘Jordan tuiteʼ gei na tun uh ciangin Jordan tui sungah tang loin na ding ding uh hi,’ na ci ding hi,” a ci hi.

Tedim Bible

⁸ Thuciamna singkuang a pua siampite thu na pia ding a, ‘Jordan tuite gei na tun’ uh ciangin Jordan sungah taang loin na ding ding uh hi,’ na ci ding hi,” a ci hi.

Joshua 3:8 Iomraidhean Croise

2 KUMPI NIHNATE 2:6

Tua ciangin Elijah in ama kiangah, “Hih lai ah khawl in, kong thum hi; bang hang hiam cih leh Topa in Jordan ah kei hong sawl hi,” a ci hi. Ahih hangin amah in, “Topa nungta a, nang mahmah na nuntak mah bangin, nang kong nusia ngei kei ding hi,” a ci hi. Tua ahih ciangin amaute a nihun pai lai uh hi.

2 KHANG TANGTHU NIHNATE 29:15

Amaute in a sanggamte uh khawmin amau kisiansuah uh a, Topaʼ genna tawh kumpipaʼ thupiak bangin Topaʼ biakinn a puahsiang dingin a tum uh hi.

2 KHANG TANGTHU NIHNATE 29:27

Tua ciangin biakna tau tungah meihal biakna a kipiak nading Hezekiah in thu a pia hi. Meihal biakna a kipat ciangin Topaʼ tungah lasakna zong kipan a, Israel kumpi Davidʼ lasaknate in peengkulte pawm hi.

2 KHANG TANGTHU NIHNATE 29:30

Tua ciangin Davidʼ kammalte le thumu pa Asafʼ kammalte zangin Topaʼ tungah phatna la a sak nadingun kumpipa Hezekiah le uliante in Levi mite thu a pia uh hi. Tua ciangin amaute in lungdamna tawh phatna late sa uh a, tua ciangin amaute kunin Pasian a bia uh hi.

2 KHANG TANGTHU NIHNATE 30:12

Topaʼ thupiakna tawh kumpipa le ulianteʼ sawlna a sem dingin Judah mite tungah Pasian in lungsim kikhatna a guan hi.

Nehemiah 13:22

Tua ciangin Sabbath ni a siangtho-in a omsak theih nadingun amaute kisiansuah tawmin kongpite hong cin nadingun Levi mite ka sawl hi. Ka Pasian aw, hih thu ah zong hong phawk inla, na itna tawh kizui-in siatna panin kei hong pengsak in.

Nehemiah 13:28

Siampi lianpen pa Eliashibʼ tapa Jehoiadaʼ tapate khat pen Horonaim khuami Sanballatʼ makpa na hi hi. Tua ahih manin keima kiang panin amah ka hawl khia hi.

Paikhiatna 14:13

Moses in mite tungah, “Lau kei un, kip takin om un. Note-aʼ dingin tu ni-a hong sep ding Topaʼ hotkhiatna mu un. Bang hang hiam cih leh tu ni-a na muh uh Egypt mite, note in na mukik nawn kei ding uh hi.

Kah la 3:26

Tua ahih ciangin thuak zawhna tawh ngak kenkan zo lehang a hoih pen ahi hi. A hong hotkhiat ding amah ngak ni.

Joshua 3:17

Israel-te khempeuh lei keu tungah a gal kah sung, minam bup in Jordan a khen khit mateng, Topaʼ Thuciamna Singkuang a pua siampite Jordan gun laizang lei keu tungah ding uh hi.

Joshua 3:3

mite thu pia uh a, “Topa na Pasian uh Thuciamna Singkuang Levi siampite in a puak na muh uh ciangin na omna panun ding khia-in na zui ding uh hi.

Joshua 3:7

Tua ciangin Topa in Joshua kiangah, “Moses tawh ka omkhop bangin nang tawh kong omkhop nading thu amaute in a theih nadingun Israel mite khempeuh muhna ah tu ni-in nang liatsak ding ka kipan ding hi.

Joshua 3:9

Tua ciangin Joshua in Israel mite kiangah, “Hih lai ah hong pai unla, Topa na Pasian uh thute za un,” a ci hi.

Joshua 4:11

Mite khempeuh a gal kah khit uh ciangin Topaʼ Thuciamna Singkuang le siampite, miteʼ mai ah na ma pai uh hi.