Joshua 3:13 - Tedim Bible Revision 2017

¹³ Leitung buppiʼ Topa ahi Topaʼ Thuciamna Singkuang a pua siampiteʼ khete in Jordan tui a sik ciangin Jordan tuite luang nawn lo dinga, a tung lam panin hong luang suk tuite lom khatin khawl ding hi,” a ci hi.

Tedim Bible

¹³ Leitung buppi’ Topa ahi Topa’ thuciamna singkuang a pua siampite’ khete in Jordan tui a siik ciangin Jordan tuite luang nawn lo ding a, a tung lam panin hong luangsuk tuite lom khatin khawl ding hi,” a ci hi.

Joshua 3:13 Iomraidhean Croise

1 KHANG TANGTHU MASATE 29:11

Topa aw, liatna, vangliatna, minthanna, gualzawhna le min liatnate nangma aʼ ahi hi; bang hang hiam cih leh vantung le leitungah a om khempeuh zong nangma aʼ ahi hi. Topa aw, kumpi gam nangma aʼ hi a, tuate khempeuh tungah nang a lutangin hong kisangsak hi.

Late 33:7

Amah in tuipi tuite thawl khat sunga thun bangin mun khat ah gawm a, tui thukpite tuibeem ah a koih hi.

Late 74:15

Ciktuite le luite na phulsak a, gun tui luangte na kangsak hi.

Late 78:13

Amah in tuipi kikhensakin amaute kantansak a, tuite a lompi-in a omsak hi.

Paikhiatna 15:8

Na nak ging tawh tuite kiciang to-in, tuite a lomin ding to a, tuipi sungah tui thukpi a khal hi.

Isaiah 54:5

Bang hang hiam cih leh nangmah hong Bawlpa pen nang adingin na pasal bang hi dinga, ama min pen Vanglian Topa ahi hi. Israel-teʼ Siangtho Pa pen nang hong hon khia pa hi a, amah pen leitung buppiʼ Pasian a kici hi.

Habakkuk 3:15

Nangmah in na sakolte tawh tuipi na tuancil a, tui lianpite phuan zuazua hi.

Zekhariah 4:14

Tua ciangin amah in, “Leitung khempeuhʼ Topaʼ na a sem dingin Pasian in teelin sathau a nilh mi nihte a cihnopna ahi hi,” hong ci hi.

Joshua 3:11

En un, leitung buppiʼ Topaʼ Thuciamna Singkuang noteʼ mai Jordan lamah pai ding hi.

Joshua 4:7

Tua ciangin amaute kiangah, ‘Topaʼ Thuciamna Singkuang mai ah Jordan tuite kikhentan a, Jordan a gal kah laitakun Jordan tuite kikhentan hi,’ na ci ding uh hi. Tua ahih ciangin hih suangtumte pen Israel mite tungah a tawntungin phawkna hi ding hi,” a ci hi.