Joshua 3:10 - Tedim Bible Revision 2017

¹⁰ Joshua in, “A nungta Pasian note lakah a omna hih thu tawh na thei ding uh hi. Amah in pel loin noteʼ mai panin Kanaan mite, Hit mite, Hiv mite, Perez mite, Girgash mite, Amor mite le Jebus mite hawl khia ding hi.

Tedim Bible

¹⁰ Joshua in, “A nungta Pasian note lakah a omna hih thu tawh na thei ding uh hi, amah in pel loin note mai panin Kanaan mite, Hit mite, Hiv mite, Perez mite, Girgash mite, Amor mite, leh Jebus mite hawlkhia ding hi.

Joshua 3:10 Iomraidhean Croise

Piancilna 15:21

Amor mite, Kanaan mite, Girgash mite le Jebus miteʼ leitang kong pia hi,” a ci hi.

1 KUMPI MASATE 22:28

Tua ciangin Mikaiah in, “Lungnuam takin nong ciahkik leh Topa in keiʼ tungtawnin thu hong gen lo ahi hi,” a ci hi. Tua ciangin amah in, “A kuamah peuh in hih ka thugen za un,” ci thuah lai hi.

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulian paʼ kammalte khempeuh Topa na Pasian in za-in, Topa na Pasian in a zak sa thute nial khin kha ding hi. Tua ahih ciangin a om lai mite adingin thu ngen in,’ ci hi,” a ci uh hi.

1 KHANG TANGTHU MASATE 1:14

le Jebus mite, Amor mite, Girgash mite,

Late 42:2

A nungta Pasian kong deih hi. Cik ciangin kei hong pai-in Pasianʼ maitang hong mu thei ding ka hi hiam?

Late 9:16

Topa in thu hong khenin migilote amauʼ nasepna mahah awksakna tawh amah hong kilang hi.

Paikhiatna 17:7

Israel miteʼ mawh zonna le amaute in Topa ze-etin, “Eiteʼ lakah Topa a om mah ahi hiam?” a cihna hangun, tua mun pen Massah le Meribah, ci-in min kiphuak hi.

Paikhiatna 3:8

Egypt miteʼ khut sung panin amaute khah khia-in, tua leitang panin amaute la khia-in a hoih a tanzau leitang, bawngnawi le khuaizu a luanna leitang, Kanaan mite, Hit mite, Amor mite, Perez mite, Hiv mite le Jebus miteʼ omna ah amaute a paipih dingin kong pai suk hi.

Paikhiatna 33:2

Noteʼ mai ah vantungmi khat ka sawl dinga, Kanaan mite, Amor mite, Hit mite, Perez mite, Hiv mite le Jebus mite ka hawl khia ding hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Jeremiah 10:10

Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiliing a, gamte in a hehna nang zo lo hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tua hunin, “Note ka mi hi lo,” a kicih hangin ni khat ni ciangin, “A nungta Pasianʼ tate,” kici ding hi.

Gamlak-vakna 13:29

Amalek mite Negeb gamah teeng uh hi. Hit mite, Jebus mite le Amor mite, mual tung gamah teeng uh hi. Kanaan mite tuipi gei le Jordan dungah teeng uh hi,” ci-in a gen uh hi.

Mattiu 16:16

Simon Peter in, “Nang pen a nungta Pasianʼ Tapa, Khris na hi hi,” ci-in a dawng hi.

Johan 6:69

Tu-in nang ka hong um uh a, Pasian kiang panin a hong pai a Siangtho Pa na hihna thu ka hong thei uh hi,” ci-in a dawng hi.

Thu-hilhkikna 31:17

Tua hun ciangin amaute tungah ka sin so-in, amaute nusia-in ka mai ka seel dinga, amaute bei mang ding uh hi. Tua ni ciangin amaute in, ‘Eiteʼ lakah i Pasian a om loh manin hih siatnate i tungah hong tung hi lo ahi hiam?’ a cih theih nadingun amaute tungah siatna le gimna tampi tung ding hi.

Thu-hilhkikna 5:26

Bang hang hiam cih leh a si thei mihing khempeuh sung panin eiteʼ zak bangin mei sung panin a nungta Pasian a pau khiatna awging za-in a nungta lai kua om ahi hiam?

Thu-hilhkikna 7:1

“Topa na Pasian un luah dinga na tumna uh leitang ah hong paipihin, noteʼ mai ah Hit mite, Girgash mite, Amor mite, Kanaan mite, Perez mite, Hiv mite le Jebus mite, note sangin lian zaw-in a thahat zaw minam sagihte noteʼ mai panin siang khiasakin,

Thu-hilhkikna 7:21

Note in amaute na kihta kei ding uh hi; bang hang hiam cih leh a lian a kihtakhuai ahi Pasian, Topa na Pasian uh note tawh a om hi.

1 THESALONIKA MASA 1:9

Note kiangah ka hong pai lai-un kote na hong limbawlna thu uh le a nungta a man Pasianʼ thu zui-in a bia ding le,

Hebru 10:31

A nungta Pasianʼ khut sungah thumang loin i tun khak ding a lauhuai mahmah ahi hi.

Joshua 11:3

nisuahna le nitumna lam a om Kanaan mite, Amor mite, Hit mite, Perez mite le mual tung gam a om Jebus mite le Mizpah gam Hermon nuai-a Hiv mite tungah thu a puak hi.

Joshua 21:45

Topa in Israel mite tungah a ciam sa thuhoih khempeuh khat zong a mawkna om lo a, a vekpi-in tangtung kim hi.

Joshua 22:31

Tua ciangin siampi Eleazarʼ tapa Finehas in Reuben mite, Gad mite le Manasseh mite tungah, “Topa tungah note zuau tat nai lo na hih manun eiteʼ lakah Topa om hi, ci-in tu ni-in i thei hi. Tu-in note in Topaʼ gimpiak nading panin Israel mite na hon khia uh hi,” a ci hi.

Joshua 24:11

Tua ahih ciangin Jordan gal khat ah pai-in Jerikho na tung uh a, Jerikho mite in note hong do uh hi. Amor mite, Perez mite, Kanaan mite, Hit mite, Girgash mite, Hiv mite le Jebus mite in zong note hong do uh a, ahi zongin noteʼ khut sungah amaute kong pia hi.

Joshua 3:9

Tua ciangin Joshua in Israel mite kiangah, “Hih lai ah hong pai unla, Topa na Pasian uh thute za un,” a ci hi.

Joshua 9:1

Jordan gal khat a om mual tung gam le lei niamna gam Lebanon lam Tuipi Lian dung khempeuh ah a om kumpite, Hit mite, Amor mite, Kanaan mite, Perez mite, Hiv mite le Jebus mite in hih thu a zak uh ciangin

1 SAMUEL MASA 17:26

David in ama kiang a ding mite kiangah, “Hih Filistia-pa thatin Israel-teʼ tung panin hih mindaina a beisak pa adingin bang kihih ding ahi hiam? A nungta Pasianʼ galkapte a to dingin hih dawibia Filistia-pa kua ahi hiam?” a ci hi.

1 SAMUEL MASA 26:6

Tua ciangin David in Hit mi Ahimelek le a nu uh Zeruiah ahi Joabʼ sanggampa Abishai kiangah, “Saulʼ giahphual ah kei tawh kua hong pai suk ding na hi uh hiam” a ci hi. Abishai in, “Kei nang tawh kong pai suk ding hi,” a ci hi.