Joshua 24:8 - Tedim Bible Revision 2017

⁸ Tua ciangin Jordan gal khat ah a teeng Amor miteʼ leitang ah note kong paipih hi. Amaute in note hong do-in, noteʼ khut sungah amaute kong pia a, note in amauʼ leitang na luah uh a, noteʼ mai ah amaute ka susia hi.

Tedim Bible

⁸ Tua ciangin Jordan galkhatah a teeng Amor mite’ leitangah note kong paipih hi; amaute in note hong doin, note khut sungah amaute kong pia a, note in amau’ leitang na luah uh a, note mai-ah amaute ka susia hi.

Joshua 24:8 Iomraidhean Croise

Nehemiah 9:22

Nangmah in amaute tungah kumpi gamte le mite na pia a, tuate pen gal sung van ngah dingin na piak ahi hi. Tua ahih ciangin amaute in Heshbon kumpipa Sihonʼ gam le Bashan kumpipa Ogʼ gam luah uh hi.

Paikhiatna 23:23

Noteʼ mai ah ka vantungmi pai-in Amor mite, Hit mite, Perez mite, Kanaan mite, Hiv mite le Jebus mite kiangah note hong paipihin, keimah in amaute ka phiatkhiat ciangin,

Amos 2:10

No ka mihingte, Egypt gam pek panin hong paikhiat pihin, gamlak ah kum sawm li sung kong makaih a, note adingin Amor miteʼ gam kong pia hi.

Amos 2:9

Ahi zongin amaute ka khualna hangin taamtak sing bangin a sang mahmah, tawsaw kung bangin a khauh tuak mahmah Amor mite amau adingin ka suksiatsak a, a dawn pan a kipan a zung dongin ka suk maisak hi.

Thu-hilhkikna 2:32

Tua ciangin Sihon le a mite khempeuh eite a do dingin Jahaz ah hong pai uh hi.

Joshua 13:10

le Ammon miteʼ gamgi ciang dong Heshbon ah a uk Amor kumpi Sihonʼ khuapi khempeuh;