Joshua 24:32 - Tedim Bible Revision 2017

³² Israel mite in Egypt panin a puak uh Josefʼ guhte pen Shekhemʼ pa Hamorʼ tapate tung panin Jakob in dangka za khat tawh a lei Shekhem leitang ah kivui a, tua leitang pen Josefʼ suanlekhakteʼ luah a suak hi.

Tedim Bible

³² Israel mite in Izipt panin a puak uh Josef’ guhte pen Shekhem’ pa Hamor’ tapate tung panin Jakob in dangka zakhat tawh a lei leitang Shekhem-ah kivui hi; tua leitang pen Josef’ suan-le-khakte’ luah a suak hi.

Joshua 24:32 Iomraidhean Croise

Piancilna 33:19

Amah in Shekhemʼ pa Hamorʼ innkuanteʼ tung panin a puanbuk lamna sa leitang dangka za khat tawh a lei hi.

Piancilna 48:22

Tua tham loin, ka namsau le ka thal tawh Amor miteʼ khut tung panin ka lak mual pang khat, na sanggamteʼ tung sangin nangʼ tungah kong pia zaw hi,” a ci hi.

Piancilna 50:24

Josef in a sanggamte kiangah, “Kei a si ding ka hi ta hi. Ahih hangin Pasian in note hong kem dinga, hih leitang panin amah in Abraham, Isaac le Jakob tunga a ciam sa leitang ah note hong paikhiatpih to ding hi,” a ci hi.

Piancilna 50:25

Tua ciangin Josef in Israel tapateʼ kiciamna bawlin, “Pasian in note hong kem dinga, note in hih lai panin ka guhte na pua to ding uh hi,” a ci hi.

Paikhiatna 13:19

Moses in Josefʼ guhte paipih hi. Bang hang hiam cih leh ama guhte a puak ding uh Josef in Israel mite thupi takin kiciamna bawlsak khin hi. “Pasian in note hong hotkhiat ciangin note in hih lai panin keima guhte na pua ding uh hi,” na ci khin hi.

Johan 4:5

Tua bangin a nawk ciangin Samaria gam sungah Saikhar a kici khua khat a tung hi. Tua khua gei ah Jakob in a tapa Josef a piak lo khat om hi.

Sawltak 7:15

Tua ahih manin Jakob zong Egypt gamah pai a, amah a kipan i pupite khempeuh tua gamah a si uh hi.

Sawltak 7:16

Amauʼ luanghawmte, Shekhem khua ah kipua a, Abraham in Hamor-te beh tung panin han dingin sum tawh a lei leitang ah kiphum hi.

Hebru 11:22

Josef a sih ding ciangin Egypt gam panin Israel mite a paikhiat nading thu le ama luanghawm a bawl nading zia a vaikhaknate zong a upna hang mah ahi hi.