Joshua 24:31 - Tedim Bible Revision 2017

³¹ Joshuaʼ khang sung le Joshua sangin sau a nungta zaw upate khempeuh khang sungin Israel mite in Topaʼ na sem a, Israel mite adingin Topa in a sep na khempeuh a thei uh hi.

Tedim Bible

³¹ Joshua khang sung leh Joshua sangin sau a nungta zaw upate khempeuh’ khang sungin Israel mite in Topa’ na sem uh a, Israel mite’ adingin Topa in a sepna khempeuh thei uh hi.

Joshua 24:31 Iomraidhean Croise

Piancilna 14:10

Siddim Kuam pen kultal khukte tawh kidim a, Sodom le Gomorrah kumpite a tai uh ciangin pawl khat tua khukte sungah kia uh a, a om lai teng mual tungah tai uh hi.

2 KHANG TANGTHU NIHNATE 24:2

Siampi Jehoiadaʼ hunsung khempeuh Topaʼ mitah Joash a manin gamta hi.

2 KHANG TANGTHU NIHNATE 34:33

Tua ciangin Josiah in Israel miteʼ neihsa gam sung khempeuh panin a kihhuaite khempeuh la khia a, Israel sunga om mi khempeuh Topa amauteʼ Pasianʼ na a semsak hi. Ama nuntak sung khempeuh amauʼ pute pateʼ Pasian ahi Topa zuihna panin amaute kihei khia lo uh hi.

Sawltak 20:29

Kei ka om nawn loh ciangin, sa gilote in gannote a phial gawp bangin, mi pawl khat in thu um mite hong phial gawp ding lamtak ka thei hi.

Thu-hilhkikna 11:2

Tu ni-in ngaihsun un (a thei nai lo, a mu nai lo na tate uh tungah a gen hi lo ka hih ciangin), Topa noteʼ Pasianʼ hong thuhilhna, ama liatna, a vangliatna le a thahatna,

Thu-hilhkikna 11:7

Bang hang hiam cih leh Topaʼ hih sa a nasepna a liante khempeuh na mitte un mu khin hi.

Thu-hilhkikna 31:29

Bang hang hiam cih leh ka sih khit ciangin note siat gamtatin, note kong sawlna lampi panin na pial taktak ding lam uh ka thei hi. Noteʼ sepna tawh amah hehsakin, Topaʼ muhna ah a sia gamta ding na hih manun, hong pai ding hunte ah, noteʼ tungah gimna hong tung ding hi,” a ci hi.

Filippi 2:12

Tua ahih ciangin ka hong it sanggamte aw, note tawh ka hong om khawm lai-in ka thu na hong man tawntung uh mah bangin, tu-in note tawh ka hong om khawm loh hun ciangin zong ka thu na hong man ding uh thupi zaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Thukhente 2:10

Tua ciangin tua khang mite khempeuh zong si khin uh a, amauteʼ khit ciangin Topa hitaleh, Israel-te adingin a septe hitaleh a thei lo khangthak hong piang uh hi.

Thukhente 2:6

Joshua in mite ciahsak a, Israel mite zong leitang luah dingin amauʼ gamh ciatah pai uh hi.

Thukhente 2:7

Mite in Joshuaʼ nuntak sung le, Israel-te adingin Topaʼ sep sa na lian khempeuh a mu, Joshua sanga sau a nungta zawte khempeuh nuntak sungin Topaʼ na sem uh hi.