Joshua 24:29 - Tedim Bible Revision 2017

²⁹ Hih thute khit ciangin Topaʼ nasem, Nunʼ tapa Joshua si a, a khan kum za le kum sawm khat a pha hi.

Tedim Bible

²⁹ Hih thute khit ciangin Topa’ nasem, Nun’ tapa Joshua si a, a khan’ kum za leh kum sawmkhat pha hi.

Joshua 24:29 Iomraidhean Croise

Piancilna 50:22

Tua ahih ciangin Josef, amah le a paʼ innkuante tawh Egypt ah teeng uh a, Josef kum za le kum sawm nungta hi.

Piancilna 50:26

Tua ahih ciangin kum za le kum sawm a phakin Josef a si hi. Amaute in a muat loh nadingin zatui tawh amah bawl uh a, Egypt ah hankuang sung khat ah amah kikoih hi.

Late 115:17

Misite ahi a, gamdaihna sungah a pai peuhpeuhte in ahi zongin Topa phat lo uh hi.

Thu-hilhkikna 34:5

Tua ahih ciangin Topaʼ thugenna bangin Topaʼ nasem Moses pen Moab gamah si a,

Joshua 24:28

Tua ahih ciangin Joshua in a milipin amauʼ gamh ciatah, mite a ciahsak hi.

Joshua 24:30

Tua ciangin amaute in Gaash mual leilu lam, Efraim mual tung gam a om Timnath-serah mun a ama gamhluah leitang ah a vui uh hi.

Mangmuhna 14:13

Tua ciangin vantung panin awging khat ka za a, “Tu a kipanin Topa thu ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amauteʼ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi.

Thukhente 2:8

Tua ciangin Topaʼ nasem ahi, Nunʼ tapa Joshua, a khan kum za le kum sawm khat a phak laitakin a si hi.

Thukhente 2:9

Amaute in Gaash Mual leilu lam, Efraim mual tung gam sung, Timnath-heres a ama luahna huam sungah a vui uh hi.