Joshua 24:28 - Tedim Bible Revision 2017

²⁸ Tua ahih ciangin Joshua in a milipin amauʼ gamh ciatah, mite a ciahsak hi.

Tedim Bible

²⁸ Tua ahih ciangin Joshua in a milip-in amau’ gam ciatah, mite ciahsak hi.

Joshua 24:28 Iomraidhean Croise

Nehemiah 11:20

A om lai Israel-te, siampite le Levi mite ahihleh Judah khuapi dangte ah amauʼ luah leitang ciatah teeng uh hi.

Gamlak-vakna 36:7

Israel miteʼ gamhte minam khat pan namdang khat ah paikhia lo ding hi; bang hang hiam cih leh Israel mi khempeuh a minam gamhluah ciat uh tawh kip ding uh hi.

Gamlak-vakna 36:9

Tua ahih ciangin minam khat pan a dang ah gamh paikhia lo ding hi; bang hang hiam cih leh Israel miteʼ sung panin minam khempeuh amauʼ gamh ciat tawh kip ding uh hi,’ ci hi,” ci-in a gen hi.

Joshua 22:6

Tua ahih ciangin Joshua in amaute thupha pia-in ciahsak a, amaute zong a inn ciat uh ah a ciah uh hi.

Joshua 24:27

Tua ciangin Joshua in mi khempeuh kiangah, “En un, hih suangtum pen eiteʼ lang khat ah teci hi ding hi. Bang hang hiam cih leh Topa in eite tungah hong thugen khempeuh hih suangtum in za khin hi. Tua ahih ciangin note, na Pasian uh tungah a man loin na gamtat loh nadingun hih suangtum pen noteʼ lang khat ah teci hi ding hi,” a ci hi.

Joshua 24:29

Hih thute khit ciangin Topaʼ nasem, Nunʼ tapa Joshua si a, a khan kum za le kum sawm khat a pha hi.

Thukhente 2:6

Joshua in mite ciahsak a, Israel mite zong leitang luah dingin amauʼ gamh ciatah pai uh hi.