Joshua 24:20 - Tedim Bible Revision 2017

²⁰ Topa nusia-in gamdang pasian-teʼ na na sep uh leh, note tungah a hoih hong bawl khit ciangin amah hong kihei-in noteʼ tungah siatna hong bawlin note hong beisak ding hi,” a ci hi.

Tedim Bible

²⁰ Topa nusia-in gamdang pasiante’ na nasep uh leh, note tungah a hoih hong bawl khit ciangin amah hong kihei-in note tungah siatna hong bawlin note hong beisak ding hi,” a ci hi.

Joshua 24:20 Iomraidhean Croise

1 KHANG TANGTHU MASATE 28:8

Tua ahih ciangin tu-in note in hih leitang hoih nei-in noteʼ khit na tate uh tungah gamh-in na nusiat tawntung theih nadingun Topaʼ mai ah kikhopna ahi Israel khempeuhʼ muhna le i Pasianʼ zakna ah Topa na Pasian uh thupiaknate khempeuh zui-in zong un.

1 KHANG TANGTHU MASATE 28:9

“Tu-in nang, ka tapa Solomon aw, na paʼ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paai khia paisuak ding hi.

2 KHANG TANGTHU NIHNATE 15:2

Tua ciangin Asa a dawntuah dingin amah pai-in ama kiangah, “Asa, le Judah mite le Benjamin mite aw, ka thu ngai un. Note amah tawh na om lai teng uh note tawh Topa hong om hi. Amah na zon uh leh amah na mu ding uh a, ahih hangin amah na nusiat uh leh amah in note hong nusia ding hi.

Ezra 8:22

Bang hang hiam cih leh kumpipa kiangah, “Ka Pasian un amah a zong mite khempeuh ompihin amau adingin a hoih na sem a, amah a nusiate khempeuh tungah amah heh hi,” ci-in gen khin ka hih manun lampi ah kote hong kha dingin galkapte le sakol tung tuangte kumpipa kiangah ka nget ding ka mai a zum hi.

Isaiah 1:28

Ahih hangin a lehdo mite le a khial mite kisusia khawmin Topa a nusiate pen kibeisak mang ding hi.

Isaiah 63:10

Ahih hangin amaute in lehdo uh a, ama kha siangtho a dahsak uh hi. Tua ahih ciangin amah pen amauteʼ gal suak a, a mahmah in amaute a do hi.

Jeremiah 17:13

Aw Topa, Israel miteʼ lamet pa aw, nang a hong taisan mite a zahhuai ding uh hi. Nang a hong lehngat san mite leivui lak a min gelh bangin a mangthang uh hi. Bang hang hiam cih leh nuntakna ciktui ahi Topa a hong taisan zo uh hi.

Ezekiel 18:24

Ahi zongin mihoih khat in a gamtat hoihna teng khawlin, migiloteʼ gamtat bangin a mindaihuai gamtat siate gamtat ding hong kipan leh, amah nungta paisuak ding ahi hiam? Nungta het lo ding hi. A hoih ama gamtatna sate kiphawksak lo ding hi. Ama cihtak lohna le ama mawhna hangin si ding hi.

Sawltak 7:42

Tua ahih manin kamsangte laibu sungah, ‘Israel mite aw, gamlak ah kum sawm li sung, gan go-in biakna na piakte uh kei tunga nong piak uh hi lo hi. Note in na puak uh puanbuk pen Molok pasian milim puanbuk le noteʼ aksi pasian Refanʼ puanbuk ahi hi. Tuate pen na biak dingun noteʼ bawl tawm milim ahih manin Babylon khuapi khen pekah salin ka hong paisak ding hi,’ ci-in a kigelh mah bangin Pasian in amaute nungngat a, van a om aksite a bia dingin amaute a sawl khia hi.

Thu-hilhkikna 4:25

“Note in tuleta nei-in gam sungah mi khangham na suah uh ciangin, na khat peuhpeuh tawh a kibang limin a kiseek milim bawlna le Topa na Pasian uhʼ muhna ah a sia bawlna tawh amah a heh nadingin na siat gamtat uh leh,

Thu-hilhkikna 4:26

Jordan gal khat luah dingin na paina leitang uh ah na siat maimang baih nadingun noteʼ lang khat ah teci pang dingin tu ni-in vanlelei ka sam hi. Tua leitang tungah note sauvei na hing kei ding uh a, na sia maimang ding uh hi.

Hebru 10:38

Ahi zongin keima mi a thuman mite in ka thu umin nungta ding uh a, a nungkik a om uh leh tua mite tungah ka lungkim kei ding hi,” na ci hi.

Joshua 24:21

Tua ciangin mite in Joshua kiangah, “Hi lo hi; Topaʼ na ka sem ding uh hi,” a ci uh hi.

1 SAMUEL MASA 12:15

Ahih hangin note in Topaʼ aw ngai loin Topaʼ thupiakna na langpan uh leh Topa in note le na kumpipa uh hong langpan ding hi.

1 SAMUEL MASA 12:25

Ahih hangin note na gamtat siat lai uh leh, note le na kumpipa uh, na nihun hong kiphiat khia ding hi,” a ci hi.