Joshua 24:18 - Tedim Bible Revision 2017

¹⁸ Topa in eiteʼ mai ah tua gam a teeng Amor mite khempeuh hawl khia hi. Tua ahih ciangin amah pen eiteʼ Pasian ahih manin kote in zong Topaʼ na ka sem ding uh hi,” a ci uh hi.

Tedim Bible

¹⁸ Topa in eite mai-ah mi khempeuh, tua gam-a teeng Amor mite hawlkhia hi; tua ahih ciangin amah in i Pasian ahih manin kote in zong Topa’ na ka sem ding uh hi,” a ci uh hi.

Joshua 24:18 Iomraidhean Croise

Late 116:16

Topa aw, kei pen nangma nasem ka hi hi. Nangma nasem ka hi a, na nasem nuʼ ta ka hi hi. Keimah hong kikhihnate nong sutkhiatsak zo hi.

Paikhiatna 15:2

Topa, kei a hong hupa hi a, keimah hong hon khia pa ahi hi. Amah, keima Pasian hi a, amah ka phat ding hi. Ka paʼ Pasian hi a, amah ka liansak ding hi.

Paikhiatna 23:31

Keimah in San Tuipi panin Filistia miteʼ tuipi ciang le sehnel gam panin Eufratis gun ciang dongah na gamgite uh ka phut ding hi. Bang hang hiam cih leh tua gam a teeng mite noteʼ khut sungah kong pia dinga, note in na mai uh panin amaute na hawl khia ding uh hi.

Micah 4:2

Minam tampite hong pai-in, “Israel miteʼ Pasianʼ biakinn, Topaʼ mualah va pai to ni. Tua lai ah ama deihna hong hilh dinga, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong ging khia a, Jerusalem panin Topaʼ thu hong paikhia hi.

Zekhariah 8:23

Tua hun ciangin minam tuamtuamte sung panin mi sawm, Jew mi khat kiangah hong pai-in, ‘Pasian in nang hong ompihna thu za ka hih manun na nung hong zuisak in,’ ci-in thum ding uh hi,” a ci hi.

Sawltak 7:45

Tua khit ciangin i pute in amauʼ pate tung panin a ngah uh tua puanbuk pen amauʼ ten nading gam a la dingin a kuan uh ciangin na pua uh a, Pasian in amauteʼ mai ah tua gam mite hawl khiatsak ahih manin tua gam a luah uh ciangin a puanbuk zong a na tunpih uh hi. Tua ahih manin Davidʼ hun ciang dong tua puanbuk na om hi.

Thu-hilhkikna 10:21

Amah pen nomauʼ phat ding ahi hi. Na mitte un a muh sa hih a lian a kihtakhuai nate note adingin hong bawlsak pa pen na Pasian uh ahi hi.

Thu-hilhkikna 33:27

Tawntung Pasian pen nangma omna hi a, nangmah huh dingin tawntung khutte a om hi. Amah in na mai ah galte nawt khia-in, ‘Susia un,’ ci hi.

Joshua 23:9

Bang hang hiam cih leh Topa in noteʼ mai ah a lian a thahat minamte hawl khia a, note na hih uh leh tu ni dongin mi khat beek in hong nang zo nai lo hi.

Joshua 24:17

Bang hang hiam cih leh salsuahna Egypt gam panin eite le i pu i pate a hong paikhiatpih, eiteʼ muhna ah tua lim liante a bawl, i paina lampi khempeuh le i nawk mite khempeuh lakah hong kem pa pen Topa i Pasian ahi hi.

Joshua 24:19

Ahih hangin Joshua in mite kiangah, “Topaʼ na na sem zo kei ding uh hi. Bang hang hiam cih leh amah pen a siangtho Pasian hi a, a aam Pasian zong ahi hi. Noteʼ thupalsatna ahi a, na khialhna uh ahi zongin hong maisak lo ding hi.