Joshua 24:14 - Tedim Bible Revision 2017

¹⁴ “Tua ahih ciangin tu-in Topa zahtak unla, lungsim tak le thumanna tawh ama na sem un. Na pu na pate un Gun gal le Egypt gam sungah a biak uh pasian-te koih khia unla, Topaʼ na sem un.

Tedim Bible

¹⁴ “Tua ahih ciangin tu-in Topa zaktak un la, lungsim tak leh thumanna tawh ama na sem un; na pate un Gungal leh Izipt gam sungah a na a sep uh pasiante koih khia un la, Topa’ na sem un.

Joshua 24:14 Iomraidhean Croise

Piancilna 17:1

Abram kum sawm kua le kum kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Piancilna 35:2

Tua ahih ciangin Jakob in a innkuanpihte le amah tawh a omte khempeuh kiangah, “Note lakah a om gamdang pasian-te koih khia unla, nomau kisiansuahin, na puante uh khek un.

2 KUMPI NIHNATE 20:3

“Nangma mai ah thuman tak le ka lungsim khempeuh tawh ka gamtatna le nangma muhna ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpi takin a kap hi.

JOB (Job) 1:1

Uz gamah Job kici min nei mi khat a om hi. Tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah peel hi.

JOB (Job) 28:28

“Tua ciangin amah in mihingte tungah thu genin, ‘Topa zahtakna, pilna hi a, siatna pelhna pen thutheihna hi,’ ci hi,” a ci hi.

Late 111:10

Topa zahtakna pen pilna kipatna ahi hi. Ama thupiak a zuite khempeuh tungah thukhen siamna a pia hi. Amah phat tawntung ding ahi hi.

Late 119:1

Amauʼ gamtatna ah paubaan om loin Topaʼ ngeina sungah a gamtate thupha ngah ahi hi.

Late 119:80

Guallelh maizumna ka thuak loh nadingin nangma ngeina kipte a kicing takin a zui zo mi hong hisak ta in.

Late 130:4

Ahih hangin nangmah hong kizahtak theih nadingin nangmah in mawhna na maisak hi.

Late 81:10

Egypt gam panin note a hong la khia, Topa na Pasian uh ka hi hi. Na kam uh a golin ka un, keimah in kong dimsak ding hi.

Ezekiel 20:18

A tate uh kiangah, ‘Na pu na pate un a bawl thukhamte zui kei unla, amauteʼ tat ngeinate zui kei un. A milim biakte uh tawh zong kininsak kei un.

Ezekiel 23:3

Amaute Egypt ah a om lai, a khangno laitakun, a nungakna lim uh bei-in numei paktat a suak uh hi.

Hosea 3:5

Tua khit ciangin Israel mite in Topa amauʼ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Siampi Laibu 17:7

Tua ahih ciangin amaute in a biak uh keeldawite adingin amauʼ biakpiaknate go nawn lo ding uh hi. Hih pen amauʼ khang tawntungin amauteʼ tungah ngeina kip khat hi ding hi.

Micah 6:8

Mun khempeuh ah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem dinga, itna kip nei tawntungin, kiniamkhiatna tawh Pasianʼ thu man ding ahi hi.

Luka 8:15

Leihoih a tukna munte pen Pasianʼ thu a zak ciangin lungsim tak tawh a thu mangin kip tawntung uh ahih manin amau adingin man a neite a cihnopna ahi hi,” a ci hi.

Sawltak 9:31

Tua ahih manin Judea gam, Galilee gam le Samaria gam sunga om pawlpite in bawlsiatna thuak nawn loin nuam takin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

2 KORIN NIHNA 1:12

Koteʼ kisialh pih thu in: hih leitung a ka gamtatnate uh le a diakdiakin note tungah kong gamtatnate uh ah, mihingteʼ pilna a zang hi loin Pasian hehpihna vang tawh, Pasianʼ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

Efesa 6:24

Tatsat loin i Topa Jesu Khris a it tawntung mi khempeuh tungah hehpihna thupha hong tung tahen.

Thu-hilhkikna 10:12

“Israel-te aw, tu-in, Topa na Pasian uh zahtak ding, ama lampite tot ding, amah it ding, na lungsim khempeuh uh le na nuntakna khempeuh uh tawh Topa noteʼ Pasianʼ na sep ding,

Thu-hilhkikna 18:13

Note pen Topa na Pasian uh mai ah paubaang loin na om ding uh hi.

Thu-hilhkikna 6:13

Topa na Pasian uh na zahtak ding uh hi. Ama na bek na sem ding uh a, ama min tawh na kiciam ding uh hi.

Filippi 1:10

Tua hileh Khris hong paikik ni ciangin paubaanna om loin a siangtho na hi ding uh hi.

Joshua 24:2

Tua ciangin Joshua in mi khempeuh tungah, “Israel Pasian, Topa in hih bangin thu gen a, ‘Tanglai-in Eufratis gun gal khat ah na pu na pate uh teng ngei a, tuate lakah Abraham le Nahorʼ pa Terah pen khat bek ahi hi. Na pu na pate un pasian dangte bia uh hi.

Joshua 24:23

Amah in, “Tua ahihleh noteʼ lakah a om gamdang pasian-te koih khia unla, Israel Pasian, Topaʼ lamah na lungsim uh nga un,” a ci hi.

1 SAMUEL MASA 12:14

Note in Topa zahtakin ama na sem a, ama aw ngai-in Topaʼ thupiakna na langpan kei uh a, note a hong uk kumpipa le na Pasian uh na zuih uh leh thu hong nuam ding hi.

1 SAMUEL MASA 12:24

Topa zahtak unla, na lungsim khempeuh uh tawh citakin ama na sem un; bang hang hiam cih leh note adingin amah in na lian hong bawlsak sate ngaihsun un.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topaʼ lamah a kiheikik na hih uh leh noteʼ lak panin gamdang pasian-te le Ashtaroth nusian milim koih khia-in Topaʼ lamah na lungsim uh ngat unla, amah bek bia un. Tua hileh amah in Filistia-teʼ khut sung panin note hong hon khia ding hi,” a ci hi.