Joshua 24:1 - Tedim Bible Revision 2017

¹ Tua ciangin Joshua in Israel minam khempeuh Shekhem ah kaikhawmin a upate, a makaite, a thukhente le Israel uliante a sam hi. Tua ciangin Pasianʼ mai ah amau ciat kipia uh hi.

Tedim Bible

¹ Tua ciangin Joshua in Israel minam khempeuh Shekhem-ah kaikhawmin a upate, a lutangte, a thukhente, leh Israel uliante sam hi; tua ciangin Pasian mai-ah amau ciat kilaak uh hi.

Joshua 24:1 Iomraidhean Croise

Piancilna 12:6

Abram in tua gam sung nawkin Shekhem mun, Moreh tawsaw phung dong a tung hi. Tua hunin tua lai ah Kanaan mite teeng lai hi.

Piancilna 35:4

Tua ahih ciangin amaute in Jakobʼ tungah amauʼ neih gamdang pasian khempeuh le a bil uh a om bilbahte a pia uh hi. Jakob in Shekhem khua gei-a tawsaw nuai ah tuate a seel hi.

1 KUMPI MASATE 12:1

Shekhem ah Rehoboam pai hi. Bang hang hiam cih leh amah kumpi a suaksak Israel mi khempeuh Shekhem ah hong pai uh hi.

2 KUMPI NIHNATE 23:1

Tua ciangin kumpipa in Judah le Jerusalem upate khempeuh samsak a, ama kiangah hong kikhawm uh hi.

Sawltak 10:33

Tua ahih manin nang kong samsak pah a, midik na hih manin hih lai ciang a hong tung na hi hi. Topa in na gen dingin a hong sawl thu khempeuh na hong gen ding ngakin Pasianʼ omna hih lai munah a om ka hi uh hi,” ci-in a dawng hi.

Thu-hilhkikna 29:9

Tua ahih ciangin na hihna khempeuh uh ah na daupai theih nadingun hih thuciamna kammalte khempeuh limtakin na zuih ding uh na ngaihsun ding uh hi.

Joshua 20:7

Tua ahih ciangin amaute in Naftali mual tung gam sunga om Galilee gam sung panin Kedesh khua, Efraim mual tung gam sungah Shekhem khua le Judah mual tung gam sungah Kiriath-arba (Hebron a cihna) khuate a tuam koih uh hi.

Joshua 23:2

Joshua in Israel khempeuh, a upate le a lutangte, a thukhente le a uliante uh samin amaute kiangah, “Tu-in kei teekin ka kum tampi pha ta hi.

Thukhente 20:26

Tua ciangin Israel mite khempeuh, galkap vekpi pai to-in Bethel ah tungin a kap uh hi. Tua lai mun Topaʼ mai ah amaute tu-in nitak dong tua ni an tang uh a, Topaʼ mai ah meihal biakna le thunuam a biakna a pia uh hi.

1 SAMUEL MASA 10:19

Ahih hangin note in na tuahsiatnate uh le na lungkhamnate uh panin note a hong hon khia na Pasian uh tu ni-in na nial uh a, note in, ‘Koteʼ tungah kumpi khat koih in,’ na ci uh hi. Tua ahih ciangin tu-in na minam nam uh le a tultulin Topaʼ mai ah kilak un,” a ci hi.