Joshua 23:9 - Tedim Bible Revision 2017

⁹ Bang hang hiam cih leh Topa in noteʼ mai ah a lian a thahat minamte hawl khia a, note na hih uh leh tu ni dongin mi khat beek in hong nang zo nai lo hi.

Tedim Bible

⁹ Bang hang hiam cih leh Topa in note mai-ah a lian a tha-hat minamte hawlkhia hi; note ahih leh tu ni dongin mi khat beek in hong nang zo lo hi.

Joshua 23:9 Iomraidhean Croise

1 KUMPI MASATE 21:26

Topa in Israel miteʼ mai ah a hawlkhiat Amor mite mah bangin milimte zui-in a kihhuai mahmah in a gamta hi.

2 KHANG TANGTHU NIHNATE 20:7

Koteʼ Pasian aw, hih gamah a teeng mite na mi Israel-teʼ mai ah hawl khia-in, na lawmpa Abrahamʼ suanlekhakte tungah a tawntung dingin pia hi lo na hi hiam?

Paikhiatna 23:23

Noteʼ mai ah ka vantungmi pai-in Amor mite, Hit mite, Perez mite, Kanaan mite, Hiv mite le Jebus mite kiangah note hong paipihin, keimah in amaute ka phiatkhiat ciangin,

Paikhiatna 23:30

Note khangin tampi pha-in leitang na luah matengun noteʼ mai panin tawmtawmin amaute ka hawl khia ding hi.

Sawltak 7:45

Tua khit ciangin i pute in amauʼ pate tung panin a ngah uh tua puanbuk pen amauʼ ten nading gam a la dingin a kuan uh ciangin na pua uh a, Pasian in amauteʼ mai ah tua gam mite hawl khiatsak ahih manin tua gam a luah uh ciangin a puanbuk zong a na tunpih uh hi. Tua ahih manin Davidʼ hun ciang dong tua puanbuk na om hi.

Thu-hilhkikna 11:23

Topa in na mai uh ah a om hih minamte khempeuh hawl khia dinga, note sangin lian zaw-in a thahat zaw minamte na suan khia ding uh hi.

Thu-hilhkikna 7:24

Amah in noteʼ khut sungah amauteʼ kumpite hong pia dinga, note in mun khempeuh panin amauteʼ min na maimangsak ding uh hi. Amaute na susia mangkhin ding uh a, noteʼ lang khat ah mi khat beek hong pang zo lo ding hi.

Joshua 1:5

Na nuntak sung tawntung kuamah in na mai hong khak zo lo ding hi. Moses tawh ka om mah bangin nang tawh zong kong om ding hi. Nang kong tamasak kei dinga, kong nusia kei ding hi.

Joshua 15:14

Tua lai panin Kaleb in Anakʼ tapa thumte Sheshai, Ahiman le Talmai, Anakʼ suanlekhakte a hawl khia hi.

Joshua 23:5

Topa na Pasian un noteʼ mai ah amaute leh nawt dinga, noteʼ muhna panin hawl khia ding hi. Topa na Pasian un noteʼ tungah hong ciam bangin amauʼ gam na luah ding uh hi.

Joshua 24:18

Topa in eiteʼ mai ah tua gam a teeng Amor mite khempeuh hawl khia hi. Tua ahih ciangin amah pen eiteʼ Pasian ahih manin kote in zong Topaʼ na ka sem ding uh hi,” a ci uh hi.