Joshua 23:3 - Tedim Bible Revision 2017

³ Noteʼ hangin Topa na Pasian un hih minam dangte khempeuh tungah a bawlnate na mu khin uh hi. Bang hang hiam cih leh note adingin hong dosak pa pen Topa na Pasian uh ahi hi.

Tedim Bible

³ note’ hangin Topa na Pasian un hih minamte khempeuh tungah a bawlnate na mu khin uh hi; bang hang hiam cih leh note’ adingin hong dosakpa in Topa na Pasian uh ahi hi.

Joshua 23:3 Iomraidhean Croise

Paikhiatna 14:14

Topa in note adingin hong dosak dinga, note na hih uh leh na om hithiat ding bek uh ahi hi,” a ci hi.

Paikhiatna 19:4

Egypt mite tungah ka bawlna le muvanlai in a kha tawh a note a puak bangin note hong pua-in keima kiangah kong paipihna na mu khin uh hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khat peuhpeuh ahi zongin a muh uh ciangin tua bang mun khempeuh ah biakna a pia uh hi. Meihal biakna a piakna uh le tui phih biakna a piaknate uh tawh kei hong hehsak uh hi.

Malakhi 1:5

Noteʼ mit mahmah tawh hih thupiang na mu ding uh a, “Israel gam pualam nangawn ah Topa in vangliatna nei hi,” na ci ding uh hi.

Thu-hilhkikna 1:30

Egypt gam sungah noteʼ mit muh ah a hih bangin, mi khat in a tapa a puak bangin hih mun na tun matengun lam tawntung ah Topa na Pasian un note hong puak na muh sa uh sehnel gam amah bangin, noteʼ mai ah a pai Topa na Pasian un note adingin hong dosak ding hi,’ kong ci hi.

Thu-hilhkikna 20:4

Bang hang hiam cih leh note tungah gualzawhna a hong pia ding, na langte uh hong dosak dingin note tawh hong kuan khawm pa pen Topa na Pasian uh ahi hi,’ ci ding hi.

Thu-hilhkikna 4:9

“Na mit un a muh sa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai ah na din ni-un Topa in kei kiangah, ‘Leitungah a nuntak lai teng uh amaute in kei hong kihtak nading le amaute in a tate uh a hilh sawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tateʼ tungah kitheisak un.

Thu-hilhkikna 7:17

“Na lungsim uh ah, ‘Hih minamte ei sangin tam zaw hi. Amaute bangci suankhiat zawh ding ihi hiam?’ na cih khak uh leh,

Thu-hilhkikna 7:24

Amah in noteʼ khut sungah amauteʼ kumpite hong pia dinga, note in mun khempeuh panin amauteʼ min na maimangsak ding uh hi. Amaute na susia mangkhin ding uh a, noteʼ lang khat ah mi khat beek hong pang zo lo ding hi.

Joshua 10:14

Tua hun ma hitaleh tua hun khit hitaleh Topa in mi khat thu a ngaih tua ni bang nidang om lo hi. Bang hang hiam cih leh Topa in Israel mite adingin a dosak hi.

Joshua 10:42

Israel-teʼ Topa Pasian in Israel-te adingin dosak ahih manin Joshua in hih kumpite khempeuh le amauʼ leitang hun khat sungin a la khin hi.

Joshua 23:10

Note tungah hong ciam sa bangin note adingin hong dosak pa pen Topa na Pasian uh ahih manin note khat in mi tul khat na tai keeksak zo uh hi.