Joshua 23:15 - Tedim Bible Revision 2017

^15-16 Ahih hangin, amah in note hong thupiak ahi Topa na Pasian uh thuciamna palsatin, note in pasian dangteʼ na semin tuate na biak uh leh, Topa na Pasian un note tawh kisai-in a ciam na hoih khempeuh a tun mah bangin Topa na Pasian un note hong piak sa hih leitang hoih panin amah in note hong suksiat khit matengin note tungah siatna khempeuh hong tungsak ding hi. Note tungah Topa hong sin so dinga, note tungah a hong piak leitang hoih panin note manlang takin na bei ding uh hi,” a ci hi.

Tedim Bible

^15-16 Ahih hangin, amah in note hong thupiak ahi Topa na Pasian uh thuciamna palsatin, note in pasian dangte’ na semin tuate na biak uh leh, Topa na Pasian un note tawh kisai-a a ciam nahoih khempeuh a tun’ mah bangin Topa na Pasian un note hong piaksa hih leitang hoih panin amah in note hong suksiat khit matengin Topa in note tungah siatna khempeuh hong tungsak ding hi. Tua ciangin note tungah Topa’ hehna hong so ding a, note tungah a hong piak leitang hoih panin note manlang takin na sia ding uh hi,” a ci hi.

Joshua 23:15 Iomraidhean Croise

1 KUMPI MASATE 14:15

tui sunga pumpeeng a kilin mah bangin Topa in Israel mite vatin amau pute pate tungah a piak hih gam hoih panin Israel zunglot dinga, Eufratis gun gal khat ah amaute thehthang ding hi. Bang hang hiam cih leh amaute in Asherah milimte bawlin Topa a heh nadingin phin uh hi.

1 KUMPI MASATE 8:56

“Ama hong ciam sa khempeuh tawh kizui-in ama mi Israel-te tungah tawlngakna a pia Topa in thupha ngah tahen! A nasem pa Moses tungtawnin a gen sa ama thuciam hoihte khempeuh kam khat zong maimawk lo hi.

Isaiah 24:6

Tua ahih ciangin Topa in leitung samsiatin susia a, a tunga a teeng mite in amauʼ mawhna hangun a thuak uh hi. Tua ahih ciangin leitungah a teeng mite tawm semsem hi.

Jeremiah 32:24

“‘En in, khuapi lak nadingin kan a to khinzo uh hi. Namsau tawh kithahna hang, kialpi hang le pulnatna hangin amaute a sim Khaldea miteʼ khut sungah khuapi a kipia ding hi. Nong gen sa bangin hong tun loh phamawh ahih manin en in, nangʼ na mu ta hi.

Jeremiah 32:42

“Bang hang hiam cih leh Topa in kong cih in ah, hih siatna khempeuh hih mite tungah ka tunsak mah bangin, amauteʼ tunga ka khap sa a hoih khempeuh zong ka tungsak pelmawh ding hi.

Jeremiah 35:17

Tua ahih manin keimah Topa Vanglian Pasian in kong genin ah: En un, Judah mite le Jerusalem khua ah a teeng mi khempeuh tungah a tung dingin ka genkhiat sa khempeuh ka tungsak ding hi. Bang hang hiam cih leh amau tungah ka gen hangin amaute in ka thu hong ngai lo uh a, amaute ka sap hangin hong dawngkik lo uh hi, ci hi, ci-in va gen in,” a hong ci hi.

Siampi Laibu 26:3

“Note in ka thukham zui-in, ka thupiaknate mangin tuate na sep uh leh,

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amauʼ mawhna sate a behlap niloh a suak uh hi. Ahi zongin a tawpna ah Pasianʼ hehna amaute tungah a tung ta hi.

Thukhente 13:1

Topaʼ muhna ah Israel mite a sia gamtakik uh a, Topa in Filistia miteʼ khut sungah kum sawm li sung amaute a pia hi.

Thukhente 3:12

Tua ciangin Topaʼ muhna ah Israel-te a sia gamtakik uh ahih ciangin Topa in Israel-teʼ lang khat ah Moab kumpipa Eglon thahatsak hi. Bang hang hiam cih leh Topaʼ muhna ah amaute a sia gamta uh hi.

Thukhente 3:8

Tua ahih ciangin Israel-te tungah Topa sin so a, amah in Mesopotamia kumpipa Kushan-rishathaim tungah amaute a pia hi. Israel mite in Kushan-rishathaimʼ na kum giat sung a sem uh hi.

Thukhente 6:1

Topaʼ muhna ah Israel-te a sia gamta uh a, Topa in Midian-teʼ khut sungah amaute kum sagih sung a pia hi.