Joshua 23:14 - Tedim Bible Revision 2017

¹⁴ “Tu-in leitung mi khempeuh ngeina bangin kei a pai ding ka hi ta a, note khempeuh in na lungsim uh le na nuntakna uh ah, Topa na Pasian un note tawh kisai na hoih hong ciam khempeuh khat zong maimawk lo ahihna na thei uh hi. A vekpi-in note adingin hong tangtung a, khat zong maimawk lo hi.

Tedim Bible

¹⁴ “Tu-in leitung khempeuh ngeina bangin kei a pai ding ka hi ta a, note khempeuh in na lungsim uh leh na nuntakna uh ah, Topa na Pasian un note tawh kisai nahoih hong ciam khempeuh khat zong mawk mai lo ahihna na thei uh hi; a vekpi-in note’ adingin hong tung a, khat zong mawkmai lo hi.

Joshua 23:14 Iomraidhean Croise

Piancilna 47:29

Israel a sih ding hun a nai ciangin, amah in a tapa Josef samin ama kiangah, “Tu-in na muhna ah maipha ka ngah leh, ka phei nuai ah na khut hong koih inla, thumantak le citakin kei nong bawl ding thu hong ciam in. Egypt ah kei hong vui kei inla,

1 KUMPI MASATE 2:2

“Leitung mi khempeuh ngeina bangin a pai ding ka hi ta hi. Thakhauhin pasal na hihna kilangsak in.

1 KUMPI MASATE 8:56

“Ama hong ciam sa khempeuh tawh kizui-in ama mi Israel-te tungah tawlngakna a pia Topa in thupha ngah tahen! A nasem pa Moses tungtawnin a gen sa ama thuciam hoihte khempeuh kam khat zong maimawk lo hi.

JOB (Job) 30:23

Mi khempeuh adingin seh kholhin a kikoih sa sihna ah a hong paipih na hihna ka thei hi.

Paikhiatna 3:8

Egypt miteʼ khut sung panin amaute khah khia-in, tua leitang panin amaute la khia-in a hoih a tanzau leitang, bawngnawi le khuaizu a luanna leitang, Kanaan mite, Hit mite, Amor mite, Perez mite, Hiv mite le Jebus miteʼ omna ah amaute a paipih dingin kong pai suk hi.

Thuhilh-sia 12:5

keen sangte ah pai ngam nawn loin, lam pai ding a haksat hun, na samte hong kangin, na khangno thahatna bei ta-in na tha a kiam hun ding ahi hi. Eite in a tawntung inn ding a zuan ding ihi a, khua sung lampi ah kahna awging kiza ding hi.

Thuhilh-sia 9:10

Na mai ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khat peuhpeuh ahi zongin a muh uh ciangin tua bang mun khempeuh ah biakna a pia uh hi. Meihal biakna a piakna uh le tui phih biakna a piaknate uh tawh kei hong hehsak uh hi.

Gamlak-vakna 23:19

A zuau dingin Pasian pen mihing hi lo a, a kisik dingin mihingʼ tapa hi lo hi. Amah in gen khin hi; a gen bangin hih lo ding ahi hiam? Amah in ci khin hi; a cih bangin tungsak lo ding ahi hiam?

Luka 21:33

Vanlelei a mangthang zongin ka thugente maimang ngei lo ding hi.

Hebru 9:27

Mi khempeuh khatvei si-in, tua khit ciangin Pasianʼ thukhenna a thuak ding ahih mah bangin,

1 SAMUEL MASA 3:19

Samuel khang a, Topa in amah ompihin, Samuelʼ thugente khat zong lei ah kiasak lo hi.