Joshua 23:12 - Tedim Bible Revision 2017

¹² Bang hang hiam cih leh note nungkikin note lakah a om lai minamte tawh kipawlin amaute tawh kiteengin, note in amauʼ numeite teen pihin amaute in noteʼ numeite a teenpih leh,

Tedim Bible

¹² Bang hang hiam cih leh note nungkikin note lakah a om lai minamte tawh kipawlin amaute tawh kitengin, note in amau’ numeite ten’pihin amaute in note’ numeite a teen’pih leh;

Joshua 23:12 Iomraidhean Croise

Piancilna 2:24

Tua thu hangin pasal in a nu le a pa nusia-in a zi tawh kigawm a, amau tegel pum khat a bang uh hi.

Piancilna 34:3

Amah in Jakobʼ tanu Dinah hoih sa mahmah ahih manin itin kam khum takin hopih hi.

1 KUMPI MASATE 11:2

Topa in Israel mite tungah, “Amaute tawh na kiteeng kei ding uh hi. Bang hang hiam cih leh amaute in amauʼ pasianʼ lamah na lungsim uh hong hei khia taktak ding uh hi,” a cih minamteʼ lak pan lawm ngai a, Solomon in hih mite ngai-in pom hi.

1 KUMPI MASATE 11:4

Bang hang hiam cih leh Solomon a teek ciangin a zite in pasian dangteʼ lamah ama lungsim hei khia uh a, ama pa Davidʼ lungsim bangin ama lungsim Topaʼ tungah thuman bup taktak zo lo hi.

Late 125:5

Ahih hangin amauʼ gitlohna a zuite pen siatna a bawlte gim na piak ciangin amaute tawh pia khawm in. Israel tungah nopna om tahen!

Late 36:3

Ama kammalte pen siatna le khemna vive hi a, pil gamtatna le hoih gamtatna bei khinta hi.

Isaiah 1:4

Ah, a khial minam, mawhna in a nencip mite, siatna a bawlteʼ suanlekhakte, a gamtat sia tapate! Amaute in Topa nusia khin uh a, amaute in Israel-teʼ Siangtho Pasian simmawh khin uh hi. Amaute in lam khial khin taktak uh hi.

Ezekiel 18:24

Ahi zongin mihoih khat in a gamtat hoihna teng khawlin, migiloteʼ gamtat bangin a mindaihuai gamtat siate gamtat ding hong kipan leh, amah nungta paisuak ding ahi hiam? Nungta het lo ding hi. A hoih ama gamtatna sate kiphawksak lo ding hi. Ama cihtak lohna le ama mawhna hangin si ding hi.

Zefaniah 1:6

Lam pialin, kei hong zui nawn lote, thu dong dingin kei kiangah hong pai nawn lote, ka susia ding hi,” a ci hi.

Mattiu 12:45

Tua ciangin va paikik a, amah sangin a siahuai zaw dawi sagih hong tunpihin tua mipa sungah a teeng uh hi. Tua ahih manin tua mipa pianzia pen a masa huna sangin a sia zaw hi. Tua ahih ciangin tu hun a migilote zong hih mipaʼ pianzia mah tawh kibang ding uh hi,” a ci hi.

Johan 6:66

Hih bangin a thugenna hangin a nung a zui a thu ngai mi tampi kilehkikin Jesu zui nawn lo uh hi.

ROM (Romans) 12:9

Na ki-itnate uh lungsim takpi tawh hisak unla, a siate mudahin a hoihte lenkip un.

Thu-hilhkikna 6:15

bang hang hiam cih leh noteʼ lakah a om Topa na Pasian uh a aam Pasian ahi hi. Tua bang hikeileh noteʼ tungah Topa na Pasian uh hong hehin, lei maitang panin note hong susia ding hi.

Thu-hilhkikna 7:3

Amaute tawh kiteeng loin, na tanute uh amauʼ tapate pia loin, a tanute uh na tapate uh adingin na la kei ding uh hi.

Thu-hilhkikna 7:4

Bang hang hiam cih leh pasian dangteʼ na a sem dingin Topa zuihna panin na tapate uh amaute in hei khia ding uh hi. Tua ciangin no tungah Topa hong hehin note hong susia pak ding hi.

Joshua 23:11

Tua ahih ciangin Topa na Pasian uh na it ding uh hoihtakin ngaihsun un.

1 JOHAN MASA 2:9

Mi khatpeuh in khuavak gamtatna ka gamta hi, ci napi-in a Khristian mipihte a muhdah leh khuamial gamtatna mah a gamta lai ahi hi.

Thukhente 14:3

Ahih hangin a nu le a pa in ama kiangah, “Nang pai-in dawibia Filistia mite kiang panin zi na lak nadingin na tanauteʼ lak ahi a, i mipih khempeuh lakah ahi zongin numei khat beek om lo ahi hiam?” a ci uh hi.

Thukhente 3:6

Amaute in a zi dingun a tanute uh la uh a, amauʼ tanute a tapate uh tungah a pia uh hi. Amaute in a pasian-te uh a bia uh hi.