Joshua 23:10 - Tedim Bible Revision 2017

¹⁰ Note tungah hong ciam sa bangin note adingin hong dosak pa pen Topa na Pasian uh ahih manin note khat in mi tul khat na tai keeksak zo uh hi.

Tedim Bible

¹⁰ Note tungah hong ciamsa bangin note adingin hong dosakpa in Topa na Pasian uh ahih manin note khat in mi tulkhat na tai keek sak uh hi.

Joshua 23:10 Iomraidhean Croise

2 SAMUEL NIHNA 23:8

Davidʼ neih mi thahatteʼ minte: Tahkhemon mi Josheb-basshebeth hi a, amah pen mi thumte a ukpa ahi hi. Amah in a teipi tawh mihing za giat do-in hun khat sungin that mangkhin hi.

1 KHANG TANGTHU MASATE 5:20

Amaute a sim nadingin huhna a ngah uh ciangin Hagri mite le amau tawh a kipawl khempeuhte amauteʼ khut sungah kipia hi; bang hang hiam cih leh gal kidona sungah amaute in Pasianʼ tungah ko uh a, amaute in Pasian muang uh ahih manin amah in amauteʼ thumna a pia hi.

1 KHANG TANGTHU MASATE 5:22

Tua gal pen Pasianʼ gal ahih manin mi tampi tak kithatin puk hi. Tua ciangin amaute sal a suah hun dong uh tua munah teeng uh hi.

Late 35:1

Topa aw, kei hong langpangte langpang inla, kei hong dote do in.

Late 46:7

Vanglian Topa eite tawh hong om khawm a, Jakob Pasian eima belh ahi hi.

Paikhiatna 14:14

Topa in note adingin hong dosak dinga, note na hih uh leh na om hithiat ding bek uh ahi hi,” a ci hi.

Isaiah 30:17

Mual sang dawna om dial khuam ahi a, mual tunga limlahna tawh a kibangin ahi zongin, note hong kinusiat dong matengin, mi khatʼ tawnna tawh mi tul khat tai-in, mihing ngaʼ tawnna tawh note khempeuh na tai mang ding uh hi.

Siampi Laibu 26:7

Note in na galte uh na delh ding uh a, noteʼ mai ah namsau in amaute puksak ding hi.

Siampi Laibu 26:8

Note nga in za khat zo-in, note za khat in tul sawm na zo ding uh hi. Noteʼ mai ah namsau in na galte uh puksak ding hi.

Zekhariah 12:8

Tua ni ciangin Topa in Jerusalem-a a teeng mite hu dinga, a gina lo pente nangawn David zahin thahat ding hi. Davidʼ suanlekhakte in Topaʼ vantungmi le Pasian mahmah bangin amaute a makai ding uh hi.

ROM (Romans) 8:31

Hih teng bang ahih khit ciangin bang gen ding om nawn ahi hiam? Pasian in eite hong kop pih peuh leh kua in eite hong zo zo ding ahi hiam?

Thu-hilhkikna 20:3

amaute kiangah, ‘Israel-te aw, za un. Tu ni-in na langte uh a do dingin na nai uh hi. Na lungsim uh lausak kei un. Lau kei un, liing kei un, amaute kihta kei un.

Thu-hilhkikna 20:4

Bang hang hiam cih leh note tungah gualzawhna a hong pia ding, na langte uh hong dosak dingin note tawh hong kuan khawm pa pen Topa na Pasian uh ahi hi,’ ci ding hi.

Thu-hilhkikna 28:7

“Topa in, noteʼ langah hong pang na galte uh na mai uh ah lelhna thuaksak ding hi. Amaute lampi khat tawnin hong kuan ding uh a, noteʼ mai panin lam sagih tawnin taikeek ding uh hi.

Thu-hilhkikna 3:22

Amaute na kihta kei ding hi; bang hang hiam cih leh nang aʼ dinga hong dosak pa pen Topa na Pasian ahi hi,’ ka ci hi.

Thu-hilhkikna 32:20

Amah in, ‘Amauteʼ kiang panin ka mai ka seel dinga, amauteʼ thumong bang hong hi hiam, ka en ding hi. Bang hang hiam cih leh amaute a lampial khang mite hi a, cihtakna a nei lo tate ahi uh hi.

Thu-hilhkikna 32:30

Amau a Hon khia pa in amaute zuakin, Topa in amaute pia khia kei leh bangci-in mi khat in mi tul khat delh mangin, mi nih in mi tul sawm taisak zo ding ahi hiam?

Joshua 10:42

Israel-teʼ Topa Pasian in Israel-te adingin dosak ahih manin Joshua in hih kumpite khempeuh le amauʼ leitang hun khat sungin a la khin hi.

Joshua 23:11

Tua ahih ciangin Topa na Pasian uh na it ding uh hoihtakin ngaihsun un.

Joshua 23:3

Noteʼ hangin Topa na Pasian un hih minam dangte khempeuh tungah a bawlnate na mu khin uh hi. Bang hang hiam cih leh note adingin hong dosak pa pen Topa na Pasian uh ahi hi.

Thukhente 15:15

Tua ciangin amah in la khaguh thak khat mu a, a khut zanin tua khaguh la-in tua tawh mihing tul khat a that hi.

Thukhente 3:31

Ama khit ciangin Anathʼ tapa Shamgar hi a, ciangkhut zum tawh Filistia mite za guk a that pa ahi hi. Amah in zong Israel-te hon khia hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in; dawibia mi hih khuacingte kiangah va pai ni. Topa in eite adingin hong hihsak kha ding hi. Bang hang hiam cih leh hotkhiat nadingin a tam a tawm in Topa nawngkaisak lo ding hi,” a ci hi.