Joshua 22:9 - Tedim Bible Revision 2017

⁹ Tua ahih ciangin Reuben mite, Gad mite le Manasseh minam a langte, Moses tungtawnin Topaʼ thupiakna tawh a neih uh amauʼ leitang ahi Gilead gamah a pai dingin Kanaan gam sunga om Shiloh munah Israel mite tawh kikhenin a inn uh ah a ciah uh hi.

Tedim Bible

⁹ Tua ahih ciangin Reuben mite leh Gad mite leh Manasseh minam a langte, Moses tung tawnin Topa’ thupiakna tawh a neih uh amau leitang ahi Gilead gamah pai dingin Kanaan gam sunga om Shiloh mun-ah Israel mite tawh kikhenin a inn uh ah ciah uh hi.

Joshua 22:9 Iomraidhean Croise

2 SAMUEL NIHNA 2:9

Amah in Gilead, Ashur, Jezreel, Efraim, Benjamin le Israel khempeuh tungah kumpi-in amah bawl hi.

1 KHANG TANGTHU MASATE 5:9

Gilead gam sungah amauʼ bawngte khangin tampi pha ahih manin Eufratis gun hih lam pang sehnel gam lutna ciang dong nisuahna lamah zong a teeng uh hi.

Late 60:7

Gilead gam keima aʼ hi a, Manasseh gam zong keima-aʼ mah ahi hi. Efraim gam ka sik lukhu hi a, Judah gam ka ciangkhut ahi hi.

Gamlak-vakna 32:1

Reuben minamte le Gad minamte in ganhing hon tampi nei uh hi. Amaute in Jazer gam le Gilead gam a muh uh ciangin gan khawi nading munin hoih sa mahmah uh hi.

Gamlak-vakna 32:20

Tua ahih ciangin Moses in amaute kiangah, “Note, tu-a bangin gamta-in, galdo dingin Topaʼ mai ah a pai dingin hiam la-in,

Gamlak-vakna 32:22

Topaʼ mai ah leitang a kilak matengin na om uh leh, Topa le Israel mite ading na sep ding teng uh a zo khin na hih manun note na ciahkik ding uh a, hih leitang pen Topaʼ mai ah noteʼ neihsa hi ding hi.

Gamlak-vakna 32:26

Ka tate uh, ka zite uh, ka tuuhonte uh le ka ganhing khempeuhte uh Gilead gam khuapite ah na om ding uh hi.

Gamlak-vakna 32:29

Moses in amaute tungah, “Gad minamte le Reuben minamte, Topaʼ mai ah galdo dingin hiam a tawi thei khempeuh in note tawh Jordan kantanin tua gam hong zawh pih leh, Gilead gam a neih dingun amaute tungah na pia ding uh hi.

Thu-hilhkikna 3:18

“Tua hunin note thu kong pia a, ‘Topa na Pasian un na neih dingun hih leitang hong pia zo hi. Na galhang mite khempeuh uh galhiam tawh kithawi-in Israel mi na sanggamte uh mai ah va kuan ding hi.

Thu-hilhkikna 3:20

Topa in note hong piak bangin na sanggamte uh tungah lungsim tawlngakna pia-in, Topa na Pasian un Jordan gal khat ah amaute a piak leitang amaute in zong a luah matengun na huh ding uh hi. Tua ciangin note kong piak sa ahi na neihsa ciat uh ah note khempeuh na ciah ding uh hi,’ kong ci hi.

Thu-hilhkikna 34:1

Tua ciangin Moab zanglei panin Jerikho gal Nebo Mual, Pisgah dawnah Moses pai to hi. Tua ciangin Topa in gam khempeuh, Gilead gam pan Dan ciang dong,

Joshua 13:11

Gilead le Geshur mite le Maakath miteʼ gam le Hermon Mual khempeuh le Salekah dong Bashan gam khempeuh;

Joshua 13:25

Amauʼ gam pen Jazer le Gilead khuapite khempeuh le Rabbah nisuahna lamah a om Aroer ciang dong Ammon miteʼ leitang kim khat,

Joshua 13:31

le Gilead alang, Ashtaroth le Edrei, Bashan gam a Ogʼ kumpi gam khempeuh ahi hi. Hihte amauʼ innkuan tawh kizui-in Makhir mi a langte adingin Manassehʼ tapa Makhir mite tungah kipia hi.

Joshua 22:10

Kanaan gam sunga om Jordan gam kiim teng a tun uh ciangin Reuben mite, Gad mite le Manasseh minam a langte in tua lai Jordan gun kiangah a lian mahmah biakna tau khat a lam uh hi.

Thukhente 20:1

Tua ciangin Israel mite khempeuh, Gilead gam zong a kihel, Dan panin Beer-sheba dong hong kuan khia uh a, Topaʼ kiang Mizpah ah mihing khat bangin mihon hong kikhawm lian uh hi.

Thukhente 5:17

Jordan gal khat ah Gilead om hi. Dan minamte bang hangin teembaw tawh om ahi hiam? Asher minamte, tuipi gei ah tu lai a, leilak a tunna gei ah a teeng uh hi.