Joshua 22:5 - Tedim Bible Revision 2017

⁵ Topaʼ nasem Moses in note hong piak thupiakna le thukham ahi, Topa na Pasian uh it ding, ama lampi khempeuh zuih ding, ama thupiakte zuih ding, amah belh ding le na lungsim khempeuh uh le na nuntakna khempeuh uh tawh ama na na sep ding uh limtakin ngaihsun un,” a ci hi.

Tedim Bible

⁵ Topa’ nasem Moses in note hong piak thupiakna leh thukham ahi, Topa na Pasian uh it ding, ama lampi khempeuh zuih ding, ama thupiakte zuih ding, amah belh ding, leh na lungsim khempeuh uh leh na nuntakna khempeuh uh tawh ama na nasep ding uh lim takin ngaihsun un,” a ci hi.

Joshua 22:5 Iomraidhean Croise

Late 106:3

Thutang a zui, a tawntungin thumanin a gamta mite, mi nuamsa ahi hi.

Paikhiatna 15:26

“Note in Topa na Pasian uh thu limtakin na ngaih uh a, ama mai ah a man nate hihin, ama thupiakte don a, ama ngeina kipte khempeuh na zuih uh leh, Egypt miteʼ tungah ka tunsak natnate khat beek noteʼ tungah kong tungsak kei ding hi. Bang hang hiam cih leh kei pen Topa, note hong damsak pa ka hi hi,” a ci hi.

Paikhiatna 20:6

ahih hangin kei hong itin ka thupiakte a zui mi a tul tampite tungah itna kip a lak pa ka hi hi.

Paikhiatna 23:13

Noteʼ tunga kong gente khempeuh thudon un; pasian dangteʼ min genin nei kei unla, na kam sung panun zong tua bangte kizasak kei un.

Paikhiatna 23:25

Note in Topa na Pasian uh nong bia ding uh a, keimah in na an uh le na tui uh thupha ka pia ding hi. Keimah in noteʼ lak panin cinatna ka la khia ding hi.

Paunak 4:23

Na lungsim ngaihsutnate nuntakna nak hi a, na neihsa a manpha pen bangin na kep ding ahi hi.

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

Jeremiah 12:16

Tua ciangin, ka miteʼ om dan hoihtakin a sin uh a, Baal min tawh a kiciam dingin ka mite a sinsak mah bangun, ‘Topa a nuntak mah bangin,’ ci-in keima min tawh kiciam ding a sin uh leh ka mite lakah kip takin a om ding uh hi.

Mattiu 22:37

Jesu in, “Na Topa Pasian na lungsim khempeuh, na nuntakna khempeuh le na pilna khempeuh tawh na it ding hi, cihna ahi hi.

Mattiu 4:10

Jesu in, “Satan aw, tai khia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Mattiu 6:24

“Kuamah, to nihʼ sila hi khawm thei lo hi. Khat mudahin khat it dinga, khat tungah thumanin khat simmawh bawl ding hi. Note in Pasianʼ na le leitung sum na nasem khawm zo kei ding uh hi.

Luka 1:74

i galte kiang panin eite hong hotkhiat nading le launa om loin amah bia-in,

Johan 12:26

Ka nasemte keima omna ah a om theih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Johan 14:15

Tua ciangin Jesu in, “Kei na hong it uh leh ka thupiakte zong na zui ding uh hi.

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Sawltak 27:23

Bang hang hiam cih leh kei tawh a kipawl ka biak Pasianʼ vantungmi, tu zanin ka kiangah hong pai a,

ROM (Romans) 1:9

Ama Tapa hangin Lungdamna Thu ka lungsim khempeuh tawh hilhin a na ka sep Pasian in hih ka thugente a man taktak ahihna thu hong thei hi.

ROM (Romans) 12:9

Na ki-itnate uh lungsim takpi tawh hisak unla, a siate mudahin a hoihte lenkip un.

ROM (Romans) 8:28

Ama deihna bang a sem dingin Pasian in a hong sap, amah a it eite adingin piangsak hi, ci-in i thei hi.

Thu-hilhkikna 10:20

Topa noteʼ Pasian na zahtak ding uh a, ama na semin, amah beelin, ama min tawh na kiciam ding uh hi.

Thu-hilhkikna 11:1

“Tua ahih ciangin Topa na Pasian uh itin ama hong thuhilhna, a thukhamte, a ngeina kipte, a thupiakte na zui tawntung ding uh hi.

Thu-hilhkikna 11:13

“Topa na Pasian uh itin, na lungsim khempeuh uh le na nuntakna khempeuh uh tawh ama na na sep nadingun tu ni-a kong gen ama thupiaknate na zuih uh leh,

Thu-hilhkikna 11:22

“Bang hang hiam cih leh Topa na Pasian uh itin, ama lampi khempeuh zui-in, amah beelin, nomau zuih dingin kong gen hih thupiakna khempeuh zuih ding na kingaihsut uh leh,

Thu-hilhkikna 13:4

Topa na Pasian uh nung zui-in, amah na zahtak ding uh a, a thupiaknate zui-in a thu na ngai ding uh a, amah bia-in amah na beel ding uh hi.

Thu-hilhkikna 4:29

Ahih hangin tua lai panin Topa na Pasian uh na zong ding uh a, na lungsim khempeuh uh le na nuntakna khempeuh uh tawh na zon uh leh amah na mu ding uh hi.

Thu-hilhkikna 4:4

ahih hangin Topa na Pasian uh a len kipte khempeuh tu ni-in na hing lai uh hi.

Thu-hilhkikna 4:6

Tuate zui unla, sem un; bang hang hiam cih leh hih thukhamte khempeuh a zak uh ciangin, ‘Hih minam liante pen a pil thu thei taktak hi,’ a ci ding uh miteʼ muhna ah hih thu pen nomauʼ pilna le nomauʼ theihna hi ding hi.

Thu-hilhkikna 4:9

“Na mit un a muh sa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai ah na din ni-un Topa in kei kiangah, ‘Leitungah a nuntak lai teng uh amaute in kei hong kihtak nading le amaute in a tate uh a hilh sawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tateʼ tungah kitheisak un.

Thu-hilhkikna 5:10

ahih hangin kei hong itin ka thupiakte a zui mi a tul tampiteʼ tungah itna kip a lak pa ka hi hi.

Thu-hilhkikna 6:17

Amah in note hong thupiak sa ahi Topa na Pasian un hong thupiakte khempeuh na zui ding uh hi.

Hebru 12:15

Pasianʼ hehpihna a ngah lah na hih khak loh nadingun na kidawm un. Zung kha a nei singkung hong khangin mi tampi gimsakin a siatsak bangin mite a siasak na hih khak loh nadingun na kidawm un.

Jeim 1:12

A hoih takpi mah hiam, ci-in sinna a thuak ciangin a nang zote a hampha mahmah ahi hi. Tua bangin a nang zote in, amah a itte tungah Pasian in a piak dingin a ciam nuntakna lukhu a ngah ding uh hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu ah mihau a suak dingin Pasian in leitung mizawngte a teel hi napi-in,

Mangmuhna 15:3

Amaute in Pasianʼ nasem Moses la le Tuuno la sa uh a, “A Vanglian Topa Pasian aw, na nasepnate lamdangin lian mahmah hi. Khang tawntung a Kumpipa aw, na nasepnate ah thumanin na thutang hi.

1 SAMUEL MASA 12:20

Tua ciangin Samuel in mite kiangah, “Lau kei un; hih siatnate khempeuh na gamta khin uh hi. Ahi zongin Topa zuihna panin pial kei unla, na lungsim khempeuh uh tawh Topaʼ na sem un.

1 SAMUEL MASA 12:24

Topa zahtak unla, na lungsim khempeuh uh tawh citakin ama na sem un; bang hang hiam cih leh note adingin amah in na lian hong bawlsak sate ngaihsun un.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topaʼ lamah a kiheikik na hih uh leh noteʼ lak panin gamdang pasian-te le Ashtaroth nusian milim koih khia-in Topaʼ lamah na lungsim uh ngat unla, amah bek bia un. Tua hileh amah in Filistia-teʼ khut sung panin note hong hon khia ding hi,” a ci hi.