Joshua 22:29 - Tedim Bible Revision 2017

²⁹ Ama biakbuk mai-a om Topa ka Pasian uh biakna tau longal, meihal biakna ahi a, an tawh biakna ahi a, biakpiak nading lamna tawh ahi zongin kote in Topa lehdo-in Topa zuihna panin a pial ka hi het kei uh hi,” a ci uh hi.

Tedim Bible

²⁹ Ama biakbuk mai-a om Topa ka Pasian uh biakna tau longal, meihal biakna ahi a, an tawh biakna ahi a, biakpiak nading ahi zongin lamna tawh kote in Topa lehdo-in Topa zuihna panin a pial ka hi het kei uh hi,” a ci uh hi.

Joshua 22:29 Iomraidhean Croise

Piancilna 44:17

Ahih hangin amah in, “Tua bangin hi dek lo ding hi. Hai a kimuhna mipa bek ka sila hi ding hi. No a dangte ahihleh, na paʼ kiang uh ah nuam takin ciah un,” a ci hi.

Piancilna 44:7

Amaute in ama kiangah, “Bang hangin ka topa in thu hih bang hong gen na hi hiam? Na nasemte, tua banga gamta ding hi dek peuhmah lo hi.

1 KUMPI MASATE 21:3

Ahih hangin Naboth in Ahab kiangah, “Ka pu ka pateʼ gamh nang tungah kong piak ding Topa in hong kham hi,” a ci hi.

2 KUMPI NIHNATE 18:22

“‘Ahih hangin note in kei kiangah, “Kote in Topa ka Pasian uh ka suang uh hi,” na cih uh leh, Hezekiah in mual tunga biaknate le biakna taute hep khiatsakin Jerusalem tungah, “Jerusalem khua sung hih biakna tau mai ah na bia ding uh hi,” a cih pa hi lo ahi hiam?

2 KHANG TANGTHU NIHNATE 32:12

Hih Hezekiah mah in mual dawna a biakpiaknate le ama biakna taute la khia-in Judah le Jerusalem thu pia a, “Biakna tau khat mai ah note in bia-in tua tungah na biakpiaknate uh na hal ding uh hi,” ci hi lo ahi hiam?

ROM (Romans) 3:6

Gim hong piakna ah a thuman lo hi het lo hi. A thuman lo hi zenzen leh bangci-in leitung mi khempeuhʼ thu khen thei ding ahi hiam?

ROM (Romans) 6:2

Tua bang hi dek lo ding hi. Mawhna thu ah a si eite in bangci-in mawhna bawl thei nawn ding ihi hiam?

ROM (Romans) 9:14

Tua bang ahihleh Pasian thutang lo hi, a kici thei ding hiam? Kici thei lo ding hi.

Thu-hilhkikna 12:11

Topa na Pasian un ama min om nading munin a teelna munah note kong sawl khempeuh na paipih ding uh hi. Na meihal biaknate uh le na biakpiaknate uh, note in na piak uh sawm-ah-khat le na piak thuahte uh le Topaʼ tungah na ciam uh na thuciam piaknate uh na paipih ding uh hi.

Joshua 22:26

Tua ahih ciangin kote in, ‘Meihal biakna ahi a, biakpiak nading ahi zongin hi loin, ama omna ah ka meihal biaknate uh le ka biakpiaknate uh le thunuam a ka piaknate uh tawh Topaʼ na ka sepna uh kote le noteʼ kikal le koʼ khit ciangin i suanlekhakte kikalah teci dingin bawl ni. Tua bang hikeileh hong tung ding hunte ah na tate un koʼ tate tungah, “Topaʼ sungah noʼ tanh bangmah om lo hi,” ci kha ding uh hi,’ ka ci uh hi.

Joshua 22:28

Tua ahih ciangin hong tung ding hunte ah kote tung ahi a, koteʼ suanlekhakteʼ tungah ahi zongin hih bangin hong kicih leh, ‘Meihal biak nading ahi a, biakpiak nading ahi zongin hi loin note le kote kikalah teci dingin ka pu ka pate un a bawl Topaʼ biakna tau lim en un,’ i ci ding hi, ci-in ka ngaihsun uh hi.

Joshua 22:30

Siampi Finehas le amah tawh a om mihon ukpi, Israel beh lutangte in Reuben mite, Gad mite le Manasseh miteʼ thugenna a zak uh ciangin tua thugennate in amaute lungkimsak mahmah hi.

Joshua 24:16

Tua ciangin mite in dawngin, “A dang pasian-teʼ na a sem dingin Topa nusiat ding ka ngaihsun ngei kei ding uh hi.

1 SAMUEL MASA 12:23

Tua tham loin kei zong, note adingin Topaʼ tungah thunget lohna tawh ka na khial het kei dinga, keimah in a hoih a man lampite note kong hilh ding hi.