Joshua 22:10 - Tedim Bible Revision 2017

¹⁰ Kanaan gam sunga om Jordan gam kiim teng a tun uh ciangin Reuben mite, Gad mite le Manasseh minam a langte in tua lai Jordan gun kiangah a lian mahmah biakna tau khat a lam uh hi.

Tedim Bible

¹⁰ Kanaan gam sunga om Jordan gam kiim teng a tun’ uh ciangin Reuben mite leh Gad mite leh Manasseh minam a langte in tua lai Jordan gun kiangah a lian mahmah biakna tau khat lam uh hi.

Joshua 22:10 Iomraidhean Croise

Piancilna 12:7

Tua ciangin Abramʼ tungah Topa kilang a, “Na suanlekhakte tungah hih leitang ka pia ding hi,” a ci hi. Tua ahih ciangin amah in ama tunga kilang Topa adingin biakna tau khat a bawl hi.

Piancilna 12:8

Tua ciangin Bethel panin nisuahna lam mualah amah kinkikin a puanbuk lam a, nitumna lamah Bethel, nisuahna lamah Ai om hi. Tua lai munah zong amah in Topa adingin biakna tau khat bawl a, Topaʼ tungah thu a ngen hi.

Piancilna 28:18

Tua ahih ciangin zingsangin Jakob tho baih a, amah in lukhamin a zat suang la-in khuamin phut a, a tungah sathau a sung hi.

Isaiah 19:19

Tua ni ciangin Egypt gamah Topa ading biakna tau khat, a gamgi ah Topa ading khuapi khat om ding hi.

Joshua 22:11

Tua ciangin Israel mite in, “En un, Israel miteʼ lam pang, Jordan kiim gam, Kanaan gam nawl ah Reuben mite, Gad mite le Manasseh minam a langte in biakna tau khat lam uh hi,” a kicihna za uh hi.

Joshua 22:9

Tua ahih ciangin Reuben mite, Gad mite le Manasseh minam a langte, Moses tungtawnin Topaʼ thupiakna tawh a neih uh amauʼ leitang ahi Gilead gamah a pai dingin Kanaan gam sunga om Shiloh munah Israel mite tawh kikhenin a inn uh ah a ciah uh hi.