Joshua 21:45 - Tedim Bible Revision 2017

⁴⁵ Topa in Israel mite tungah a ciam sa thuhoih khempeuh khat zong a mawkna om lo a, a vekpi-in tangtung kim hi.

Tedim Bible

⁴⁵ Topa in Israel mite tungah a ciamsa thuhoih khempeuh khat zong a mawkna om lo hi; a vekpi-in tung kim hi.

Joshua 21:45 Iomraidhean Croise

1 KUMPI MASATE 8:15

Tua ciangin amah in, “‘Egypt panin ka mi Israel-te ka paikhiatpih a kipanin keima min a om theih nadingin biakinn khat lam nading Israel minam khempeuh sungah khuapi khat zong ka teel kei hi. Ahih hangin ka mi Israel-te tungah a uk dingin David ka teel hi,’ ci-in ka pa David tungah a kam tawh a ciam sa a tungsak Israel Pasian, Topa in thupha ngah tahen.

1 KUMPI MASATE 8:20

Tu-in ama bawl sa thuciamna Topa in tungsak khin hi. Bang hang hiam cih leh ka pa Davidʼ munah keimah khangin, Topaʼ ciam sa bangin Israel kumpi tokhom tungah ka tu a, Israel Pasian, Topaʼ min dingin a biakinn ka lam khin hi.

1 KUMPI MASATE 8:24

Na nasem ka pa David tungah na gen sa thu na kipsak hi. Nangmah in na kam tawh na gen a, tu ni-in na tungsak hi.

1 KUMPI MASATE 8:56

“Ama hong ciam sa khempeuh tawh kizui-in ama mi Israel-te tungah tawlngakna a pia Topa in thupha ngah tahen! A nasem pa Moses tungtawnin a gen sa ama thuciam hoihte khempeuh kam khat zong maimawk lo hi.

Nehemiah 9:8

Nangma tungah amah a cihtakna na mu a, Kanaan mite gam, Hit mite gam, Amor mite gam, Perez mite gam le Girgash mite gam, amah le a suanlekhakte tungah piak dingin ama tungah thuciamna khat na bawl hi. Nang thuman na hih manin na thuciamna na tungsak hi.

Isaiah 48:3

A masa lam a nate thu tanglai-in ka gen a, keima kam panin tuate ging khia-in ka kitheithangsak hi. Tua ciangin thakhat thu-in keimah in ka sem a, a hong piang hi.

Gamlak-vakna 23:19

A zuau dingin Pasian pen mihing hi lo a, a kisik dingin mihingʼ tapa hi lo hi. Amah in gen khin hi; a gen bangin hih lo ding ahi hiam? Amah in ci khin hi; a cih bangin tungsak lo ding ahi hiam?

1 KORIN MASA 1:9

Ama Tapa ahi i Topa Jesu Khris tawh a kikhawl dingin a hong sam Pasian pen a citak Pasian hi a, a gen sa bangin a hong tungsak takpi ding ahi hi.

1 THESALONIKA MASA 5:24

Note a hong sam i Pa Pasian a thutak hi a, a thuciamte khempeuh hong tungsak taktak ding hi.

Hebru 6:18

Tua hi a, a kikheel thei lo thu nih kithuap ahih manin Pasian in zuaugen thei lo ding hi. Tua hi a, amah a beel eite in eite mai ah hong kikoih lametna thu kip takin i let cip nadingin i tha hong nuamsak hi.

1 SAMUEL MASA 3:19

Samuel khang a, Topa in amah ompihin, Samuelʼ thugente khat zong lei ah kiasak lo hi.