Joshua 21:44 - Tedim Bible Revision 2017

⁴⁴ Tua ciangin a pu a pate uh tungah a ciam sa bangin Topa in amaute tungah na khempeuh ah tawlngakna a pia hi. Topa in a galte khempeuh uh amau khut sungah pia ahih manin a galte uh khat beek in zong amaute nang zo lo hi.

Tedim Bible

⁴⁴ Tua ciangin a pu a pate uh tungah a ciamsa bangin Topa in amaute tungah na khempeuhah tawlngakna pia hi; Topa in a galte khempeuh uh amau khut sungah pia ahih manin a galte uh khatbeek in zong amaute nang zo lo hi.

Joshua 21:44 Iomraidhean Croise

2 KHANG TANGTHU NIHNATE 13:16

Judah miteʼ mai ah Israel-te tai uh a, Pasian in amauʼ khut sungah Israel-te a pia hi.

Paikhiatna 23:31

Keimah in San Tuipi panin Filistia miteʼ tuipi ciang le sehnel gam panin Eufratis gun ciang dongah na gamgite uh ka phut ding hi. Bang hang hiam cih leh tua gam a teeng mite noteʼ khut sungah kong pia dinga, note in na mai uh panin amaute na hawl khia ding uh hi.

Paikhiatna 33:14

Topa in Moses kiangah, “Nang tawh kong pai dinga, lungsim tawlngakna hun nang kong pia ding hi,” a ci hi.

Isaiah 63:14

Lo nona kuam sung a zuan suk bawngte bangin Topa in amaute tawldamna a pia hi. Tua bangin Topa in a mite lamlak ahih manin ama min thang tawntung hi.

Thu-hilhkikna 2:36

Arnon kuam mong a a om Aroer le tua kuam sunga om khuapi Gilead ciang dongah eite adingin khuapi kulh a sang lua khat beek om lo a, Topa i Pasian in a vekpi-in eiteʼ khut sungah hong pia hi.

Thu-hilhkikna 21:10

“Na galte uh a do dingin kuan khia-in, Topa na Pasian un noteʼ khut sungah amaute hong pia a, amaute salin na mat ciangun,

Hebru 4:9

Tua ahih manin tu-a thu om zia ah ci lehang ni sagih ni-in Pasian a tawlngak mah bangin Pasianʼ mite a tawlngak nading om lai hi.

Joshua 1:13

“‘Topa na Pasian un note tawlngakna mun hong pia-in, hih leitang note hong pia ding hi,’ a cihna Topaʼ nasem Moses in note tungah hong gen kammal phawk un.

Joshua 1:15

note hong piak bangin Topa in na sanggamte uh tungah tawlngakna pia-in, Topa na Pasian un amaute a piak leitang amaute in zong a luah mateng uh na huh ding uh hi. Tua ciangin noteʼ neih leitang ah ciahkikin, Topaʼ nasem Moses in Jordan gal ni a suahna lamah note hong piak leitang na luah ding uh hi,” a ci hi.

Joshua 1:5

Na nuntak sung tawntung kuamah in na mai hong khak zo lo ding hi. Moses tawh ka om mah bangin nang tawh zong kong om ding hi. Nang kong tamasak kei dinga, kong nusia kei ding hi.

Joshua 11:12

Topaʼ nasem Moses in a thupiak sa bangin Joshua in tua kumpiteʼ khuapite le a kumpi khempeuh la-in namsau tawh amaute vatin that mangkhin hi.

Joshua 11:23

Topa in Moses tungah a gen sa bangin Joshua in leitang khempeuh a la hi. Tua ciangin Joshua in amau minam tawh kizui-in a ngah ding bangin Israel mite tungah gamh-in a pia hi. Tua hun a kipan galdona panin tua gam a tawlnga hi.

Joshua 11:8

Topa in Israel-teʼ khut sungah amaute pia a, amaute in vat gawpin a Lian Sidon le Misrefoth-maim ciang dong le nisuahna lamah Mizpeh kuam ciang dong delh uh a, amaute kuamah a om nawn lo dongin a vat gawp uh hi.

Joshua 2:24

Amaute in Joshua kiangah, “Topa in leitang khempeuh eiteʼ khut sungah hong pia taktak hi. Tua tham loin tua gam a teeng mi khempeuh eiteʼ hangin lungmang uh hi,” a ci uh hi.

Joshua 22:4

Tu-in Topa na Pasian un amaute tungah a ciam sa bangin na sanggamte uh tawlngakna pia hi. Tua ahih ciangin Topaʼ nasem Moses in note hong piak Jordan gal khat, noteʼ neihsa a omna leitang na inn uh ah note ciah un.

Joshua 22:9

Tua ahih ciangin Reuben mite, Gad mite le Manasseh minam a langte, Moses tungtawnin Topaʼ thupiakna tawh a neih uh amauʼ leitang ahi Gilead gamah a pai dingin Kanaan gam sunga om Shiloh munah Israel mite tawh kikhenin a inn uh ah a ciah uh hi.

Joshua 23:1

Topa in amauʼ kiim a om gal khempeuh panin Israel mite tungah lungmuanna a piak khit a sawtpi ciangin Joshua teekin a kum tampi pha ta hi.