Joshua 21:43 - Tedim Bible Revision 2017

⁴³ Tua bangin Topa in amauʼ pu le pate tungah piak dingin a kiciam leitang khempeuh Israel tungah pia a, amaute in a ngah khit uh ciangin tua lai ah a teeng uh hi.

Tedim Bible

⁴³ Tua bangin Topa in amau’ pate tungah piak dingin a kiciam leitang khempeuh Israel tungah pia hi; amaute in a ngah khit uh ciangin tua lai-ah teeng uh hi.

Joshua 21:43 Iomraidhean Croise

Piancilna 12:7

Tua ciangin Abramʼ tungah Topa kilang a, “Na suanlekhakte tungah hih leitang ka pia ding hi,” a ci hi. Tua ahih ciangin amah in ama tunga kilang Topa adingin biakna tau khat a bawl hi.

Piancilna 13:15

Bang hang hiam cih leh na muh gam khempeuh nang le na suanlekhakte kong pia paisuak ding hi.

Piancilna 28:4

Pasian in Abrahamʼ tunga a piak, tawl khat sung na omna leitang na neih theih nadingin nang le na suanlekhakte tungah amah in Abrahamʼ thupha hong pia tahen!” a ci hi.

2 KHANG TANGTHU NIHNATE 20:8

Hih gamah amaute teengin, nangma min dingin hih lai ah biakinn khat lam uh a,

Nehemiah 9:24

A suan a khakte uh tua gamah lutin a lak uh ciangin, amauʼ mai ah tua gam a teeng Kanaan mite na nuaisiah a, a ut bangbangun a bawl dingun a kumpite le a mite amauʼ khut sungah na pia hi.

Nehemiah 9:8

Nangma tungah amah a cihtakna na mu a, Kanaan mite gam, Hit mite gam, Amor mite gam, Perez mite gam le Girgash mite gam, amah le a suanlekhakte tungah piak dingin ama tungah thuciamna khat na bawl hi. Nang thuman na hih manin na thuciamna na tungsak hi.

Late 105:8

“Na luah dingin Kanaan gam kong pia ding hi,” ci-in Abraham tawh thuciam a bawl sa, Isaac tungah a thuciam sa, Jakob tungah thupiakna a kipsak, Israel tungah tawntung thuciamna, ama thupiak sa kammal, ama thuciamna pen khang tul khat dongin amah in phawk ngitnget hi.

Late 44:3

Bang hang hiam cih leh amaute in namsau tawh leitang ngah lo uh a, amauʼ khut in amauteʼ tungah gualzawhna pia lo hi. Na khut taklam le na baan, na hehpihna maipha hizaw hi. Bang hang hiam cih leh amaute tungah nang na lungkim hi.

Late 78:55

Amauʼ mai panin midangte hawl khia-in, amauteʼ luah ding neihsa hawmsak a, Israel minamte amauʼ buk sungah a tengsak hi.

Paikhiatna 3:8

Egypt miteʼ khut sung panin amaute khah khia-in, tua leitang panin amaute la khia-in a hoih a tanzau leitang, bawngnawi le khuaizu a luanna leitang, Kanaan mite, Hit mite, Amor mite, Perez mite, Hiv mite le Jebus miteʼ omna ah amaute a paipih dingin kong pai suk hi.

Jeremiah 32:23

Amau zong lutin a luah pah uh hi. Ahih hangin amaute in na thu hong mang loin, thukham hong zui lo uh a, hih dinga na thupiakte khat beek a hih kei uh hi. Tua ahih manin amaute tungah hih siatna khempeuh na tungsak hi.

Gamlak-vakna 33:53

Na neih dingun noteʼ tungah leitang hong pia khin ka hih manin note in leitang luahin tua tungah na teeng ding uh hi.

Gamlak-vakna 34:2

“Israel mite kiangah hih bangin gen in: Note tungah ka hong piak Kanaan gamah na lut uh ciangin

Thu-hilhkikna 11:31

Bang hang hiam cih leh Topa na Pasian un note hong piak leitang a luah dingin Jordan kantanin a pai ding na hi uh hi. Tua leitang luahin a sungah na ten uh ciangin,

Thu-hilhkikna 12:29

“Topa na Pasian un na mai panun na suankhiat ding uh minamte beimangsakin, amaute suan khia-in amauʼ leitang ah na ten uh ciangin,

Thu-hilhkikna 17:14

“Topa na Pasian un note hong piak leitang ah tungin, note in tua leitang nei-in a tungah na ten uh ciangin, ‘Eiteʼ kimkot a om minamte khempeuh mah bangin eiteʼ tungah kumpi khat i koih ding hi,’ na ci nuam kha ding uh hi.

Thu-hilhkikna 34:4

Tua ciangin Topa in ama kiangah, “Hih gam, Abraham, Isaac le Jakob tungah kiciamin, ‘Na suanlekhakte uh tungah ka pia ding hi,’ ka cih leitang ahi hi. Na mit tawh nang kong musak khin a, ahih hangin tua lai ah nang na pai kei ding hi,” a ci hi.

Joshua 1:6

Thahat inla, hang in; bang hang hiam cih leh amaute piak dingin a pu a pate uh tungah ka ciam leitang hih mite na luahsak ding hi.

Joshua 21:42

Hih khuapite in a kiim ciatah lo nona gam nei ciat a, hih khuapi khempeuh tua bang ahi hi.

Thukhente 11:24

Na pasian Khemosh in na neih dinga hong piakte kem peuh in. Kote ahihleh Topa ka Pasian un koteʼ mai ah a suan khiatte ka tang ding uh hi.

1 SAMUEL MASA 12:8

Egypt ah Jakob pai-in Egypt-te in amaute a netniam uh ciangin Topaʼ tungah na pu na pate uh kiko uh a, Egypt panin na pu na pate uh paikhiat pihin hih lai munah amaute a tengsak ahi Moses le Aaron, Topa in a puak hi.